11.11.22

Mes da Ciencia en Galego

 A Biblioteca conmemora o mes da ciencia en galego cunha ampla oferta de talleres que se celebrarán nos recreos durante esta semana e a vindeira. 

A semana do 14 e a do 21 de novembro, os departamentos de Matemáticas, Bioloxía e Física e Química organizarán obradoiros nos cales se poderán realizar calendarios de papiroflexia, xabóns exfoliantes ou descubriremos o azucre oculto que tomamos sen decatarnos. 

Podes consultar aquí o calendario coas actividades previstas para cada día e cada grupo.

Anímate a participar e a gozar coa ciencia máis próxima e divertida!



24.10.22

Día das Bibliotecas 2022

 O pasado venres 21 de outubro celebramos o Día das Bibliotecas facendo entrega dos diplomas do voluntariado da Biblio 21/22 e inaugurando os clubs de encontro para este curso 22/23.

Ademáis, colocamos na entrada un novo cartel para os que queiran ser voluntarios/as durante este curso, tanto para colaborar na Biblio coma na radio escolar.







Voluntarios 21/22


Martina, Saray e Nico de 2ºESO




18.10.22

Encontro con Ledicia Costas

 A escritora Ledicia Costas, autora de títulos moi coñecidos entre o público infantil e xuvenil como "Escarlatina, a cociñeira defunta" ou "O corazón de Xúpiter", manterá un encontro co alumnado de 2º ESO e 4º ESO o vindeiro martes, día 19 de outubro. As xuntanzas realizaranse a terceira hora (2º ESO) e a cuarta hora (4º ESO) na biblioteca escolar.

Ledicia Costas falaranos sobre as súas obras e tamén asinará os exemplares do alumnado que así o desexe.
A escritora viguesa comezou o seu labor literario sendo unha adolescente, cando publicou o seu primeiro libro, "Unha estrela no vento", e dende entón acadou numerosos premios e foi traducida a varios idiomas.



O encontro coa escritora foi anecdótico, cheo de historias para recordar. Os rapaces e rapazas disfrutaron moito e sentíronse moi cómodos grazas ao comezo da conversa coa escritora. Ledicia amosouse a eles/as con tanta naturalidade que fixo que se sentiran confiados de participar e de facerlle todo tipo de preguntas.

Estas son unhas das imaxes do encontro.




Alumnado de 2ºESO



Alumnado de 4ºESO



12.10.22

Formación de novos/as usuari@s 22-23!

Neste mes de outubro o alumnado de 1ºESO acaba de recibir a formación básica sobre as actividades que poden realizar na Biblio, así como o método que se emprega para colocar e localizar os libros nas estanterías seguindo a CDU. 

Esta é a primeira de tres sesións formativas que se realizarán ao longo deste curso escolar.






3.10.22

Concursos do 1º trimestre

Durante este trimestre convócanse dous concursos.

O primeiro, proposto polo Departamento de Dinamización da Lingua Galega, tratará sobre o mundo do sobrenatural para conmemorar as datas do día dos defuntos na tradición galega.


O segundo, proposto pola Secretaría Xeral de Igualdade, conmemora o Día Internacional contra a Violencia de Xénero.


Toda información atoparédela na Biblioteca e no taboleiro de "concursos", situado na entrada do instituto.