OS ARAOS XA TEÑEN PLUMÓN

Os araos deste curso xa romperon a casca e saíron ao mundo exterior. E este ano tivemos unha boa niñada, tan boa que hai que repartir, cando menos, en dous grupos: os máis veteranos, de 3º e 4º por unha banda (que xa fan un bo grupo)  e os recén chegados de 1º e os de 2º pola outra (que forman un grupo 'enoooorme'). Nas fotos podedes ver a uns cantos, aínda que non a todos.

Seguro que tanto uns coma outros serán capaces de ir superando as dificultades (exames, traballos, deberes...) do camiño, e disfrutarán dos bos momentos, compartindo a súa afección cos outros tolos e tolas que o pasan ben co nariz metido entre as follas dun libro.

  A todos: benvidos e encantados de tervos con nós!!

QUE MARCHA HAI NO INSTI!

Está claro que somos un 'insti' con moita marcha. No primeiro intento non puidemos saír, que o tempo non o permitía. Pero nós non  podiamos permitir que o tempo nos deixase sen saída, así que... este xoves alá fomos. Ata Balarés, un pouco a pé e un pouco andando. Nada se nos resiste, asfalto, dunas, pedras, monte, praia...

Pasámolo ben, (eu polo menos) o ambiente estivo fenomenal e só lamento terf perdido ao brilé. Pero xa me vengarei noutra ocasión! Fallounos un pouco o mar, que xa estaba un tanto invernal, pero seguro que nalgunha outra tamén haberá baño.

RECOMENZANDO

Xa estamos un ano máis "ao pé do canón". Empezamos un novo curso, cos desexos e esperanzas case sen estrear e cos nervios propios do día:

- Con quen me toca?

- Quen é o meu titor?

- Será moi difícil?

- Iremos de excursión?

- Aprobarei todo?

Pois nada, ánimos a todos e todas, que seguro que teremos moi bos momentos e, ante todo, BENVIDO  o novo alumnado que chega este curso. E benvidos tamén os seus familiares, cos que queremos ter boa colaboración. O instituto, e especialmente a Biblioteca, esperamos que estedes moi ben entre nós e que fagamos moitas cousas xuntos.

Aquí vos deixo unhas imaxes do día da presentación. Mirade a ver se alguén ten cara de susto!?

Presentación 1º 12-13 - presentacion imagenes

FELIZ  VERÁN!!

Xa rematamos e só nos queda a despedida por este curso. Esperemos que as notas finais sexan as mellores posibles e, se non o fosen, seguro que podemos amañarnos para que as vacacións si que sexan o mellor posible, que organizándose ben hai tempo para todo.

Mentras tanto o que si podemos facer é ver un resumo do festival de fin de curso, que aí si que había nervios...

Os que queiran coller o vídeo completo (son máis de 30 minutos) pódeno coller do ordenador Nº 1 da biblio. OK?

Pois eso, que FELIZ VERÁN!!

O CLUB DE LECTURA ARAO

Hai uns días os compoñentes dos Clubs de Lectura (alumnos e adultos) fixemos unha saída cara as terras de Álvaro Cunqueiro, visitando a súa cidade natal, Mondoñedo, e algunha outra zona próxima da Mariña de Lugo. Visitamos a catedral máis antiga de España. San Martiño de Mondoñedo e a chamada praia das Catedrais. O único problema foi que a data programada, que non puidemos cambiar, coincidía coa data de celebración das V Xornadas dos Clubs de Lectura, ás que non puidemos asistir, así que lles enviamos un vídeo (nós e o Instituto de Dices-Rois). Con parte das imaxes que gravamos fixeron a montaxe que aquí vos deixo. En breve subiremos ao Canal Vilán o vídeo completo feito no insti.

Xornada Bibliotecas 9 de Xuño Previo from Bibliotecas Escolares de Galicia on Vimeo.