14 NOVEMBRO. FOLGA XERAL EUROPEA from Charo Sánchez-Gabriel on Slide.ly.

QUE MEDO ME DÁS!!

Canto medo pasei hoxe no recreo!! Os relatos terroríficos dos gañadores fixeron que o sangue se me conxelase nas veas!

Se non me credes podedes ler vós mesmos os escritos que levaron premio. (E algún cargou ben a bolsa, que levou dous premios, un de relato -en inglés- e outro de ilustración. a que sí, Brais!)

Lamentamos que os premios de Francés quedaran 'defuntos', xa que ninguén tivo o valor de atreverse con eles. Quedaredes de covardes ou o próximo ano haberá relatos nesa lingua?? Tamén podedes ver algunha foto do acontecido, coas caras de medo dos fotografados!

Que medo me dás! 12-13

View more presentations or Upload your own.

OS ARAOS XA TEÑEN PLUMÓN

Os araos deste curso xa romperon a casca e saíron ao mundo exterior. E este ano tivemos unha boa niñada, tan boa que hai que repartir, cando menos, en dous grupos: os máis veteranos, de 3º e 4º por unha banda (que xa fan un bo grupo)  e os recén chegados de 1º e os de 2º pola outra (que forman un grupo 'enoooorme'). Nas fotos podedes ver a uns cantos, aínda que non a todos.

Seguro que tanto uns coma outros serán capaces de ir superando as dificultades (exames, traballos, deberes...) do camiño, e disfrutarán dos bos momentos, compartindo a súa afección cos outros tolos e tolas que o pasan ben co nariz metido entre as follas dun libro.

  A todos: benvidos e encantados de tervos con nós!!

QUE MARCHA HAI NO INSTI!

Está claro que somos un 'insti' con moita marcha. No primeiro intento non puidemos saír, que o tempo non o permitía. Pero nós non  podiamos permitir que o tempo nos deixase sen saída, así que... este xoves alá fomos. Ata Balarés, un pouco a pé e un pouco andando. Nada se nos resiste, asfalto, dunas, pedras, monte, praia...

Pasámolo ben, (eu polo menos) o ambiente estivo fenomenal e só lamento terf perdido ao brilé. Pero xa me vengarei noutra ocasión! Fallounos un pouco o mar, que xa estaba un tanto invernal, pero seguro que nalgunha outra tamén haberá baño.

RECOMENZANDO

Xa estamos un ano máis "ao pé do canón". Empezamos un novo curso, cos desexos e esperanzas case sen estrear e cos nervios propios do día:

- Con quen me toca?

- Quen é o meu titor?

- Será moi difícil?

- Iremos de excursión?

- Aprobarei todo?

Pois nada, ánimos a todos e todas, que seguro que teremos moi bos momentos e, ante todo, BENVIDO  o novo alumnado que chega este curso. E benvidos tamén os seus familiares, cos que queremos ter boa colaboración. O instituto, e especialmente a Biblioteca, esperamos que estedes moi ben entre nós e que fagamos moitas cousas xuntos.

Aquí vos deixo unhas imaxes do día da presentación. Mirade a ver se alguén ten cara de susto!?

Presentación 1º 12-13 - presentacion imagenes