Vilán

2.2.22

Semana de celebración polo Día da Candeloria

A partir da candeloria, ningunha ave voa soa di o refrán para lembrar que o mes de febreiro comeza, na cultura popular, cunha celebración ben especial, xa que casan os paxariños, ao que comeza o retorno das aves migratorias e os cortexos preludian o renacer primaveral.

Desde a Biblioteca propoñemos unha actividade para celebrar unha semana de afectos co motivo da Candeloria e do San Valentín.

Que?

Invítase ao alumnado a realizar algunha destas actividades:

Escritura de cartas de afecto. Insistiremos en que o tono das cartas sexa o adecuado para evitar así cartas de burla. Por tal motivo, poderán ser revisadas.
Realización de figuras de plastilina
Realización de debuxos ou ilustracións.
Elaboración doutras manualidades ao gusto: colares, origami,...

*Todo o material estará dispoñible na Biblioteca.

Cando?

Estas actividades realizaranse entre o 2 e o 9 de febreiro.

Todo o material elaborado depositaranse nuns buzóns localizados na entrada da biblioteca. Importante: escribir o nome no sobre da persoa á que vai destinado o agasallo.

O día 14 de febreiro repartiranse os agasallos ás personas destinatarias.

30.1.22

Día da Ilustración 2022

Hoxe 30 de xaneiro celébrase o Día da Ilustración.

O alumnado de 2ºESO fixo unhas ilustracións para o logo do proxecto sobre hábitos de vida saudables, benestar emocional e consumo responsable.

Ao longo desta semana levarase a cabo unha votación a través da aula virtual na que se decidirá a ilustración que representará o proxecto.

Éxito aos participantes!

26.1.22

Clubs de encontro na Biblio!

Desde a Biblioteca estanse organizando clubs de encontro nos que o alumnado será o protagonista e o encargado de levar o club.

Se estades interesados/as, é o momento de que propoñades un club ou de que vos sumedes a unha ou varias das propostas doutros/as compañeiros/as.

Na entrada da Biblio tedes estes carteis, elaborados por voluntarias da Biblio (Judith, Naira e Siomara) para anotarvos.

Non perdas a oportunidade de compartir as túas afeccións!

23.1.22

Formación de usuarios/as de 1ºESO

Continuamos, neste novo trimestre, coa formación de novos/as usuarios/as da Biblioteca.

Desta vez, o alumnado de 1ºESO aprendeu a buscar no novo catálogo de Koha e a localizar ,segundo a súa sinatura, libros e outros fondos nas estanterías.

Esperamos que poñan en práctica todo o aprendido!😁