O CLUB DE LECTURA ARAO

Hai uns días os compoñentes dos Clubs de Lectura (alumnos e adultos) fixemos unha saída cara as terras de Álvaro Cunqueiro, visitando a súa cidade natal, Mondoñedo, e algunha outra zona próxima da Mariña de Lugo. Visitamos a catedral máis antiga de España. San Martiño de Mondoñedo e a chamada praia das Catedrais. O único problema foi que a data programada, que non puidemos cambiar, coincidía coa data de celebración das V Xornadas dos Clubs de Lectura, ás que non puidemos asistir, así que lles enviamos un vídeo (nós e o Instituto de Dices-Rois). Con parte das imaxes que gravamos fixeron a montaxe que aquí vos deixo. En breve subiremos ao Canal Vilán o vídeo completo feito no insti.

Xornada Bibliotecas 9 de Xuño Previo from Bibliotecas Escolares de Galicia on Vimeo.

LECTURAS REFRESCANTES

Ánimo que queda pouco para rematar o curso!! E como cada ano, cando chegan estas datas, a biblio proponvos unha boa forma de aproveitar as vacacións: uns libros "refrescantes". Xa sabedes que durante o verán podedes levar ata 5 libros.
Aquí vos presentamos unha guía coas nosas recomendacións e algunhas das últimas adquisicións recién chegadas ás nosas estanterías, pro lembrade que un bo libro segue a ser un bo libro por moito tempo que pase, así que, ademais da guía, remexede polas estanterías, que seguro que algún libro hai que está esperando por vós.
E recordade tamén que non sodes os únicos lectores, que entre os maiores tamén hai xente á que lle gusta ler, por iso na nosa/vosa biblio hai un sempre recuncho para os libros dos adultos da casa.

Open publication - Free publishing - More bibliotecas

PINTANDO O INSTI

Están os de Plástica qaue non paran. Con Javier ao frente atacan canto atopan ao seu paso. Empezaron polas portas de clase, como podedes ver, e logo, non contentos con eso (afortunadamente) 'atacaron' o muro de entrada do instituto, que estaba tan tranquilo e agora, día si e día non, vese 'invadido' por alumnos armados con pinceis, pintura e gañas de deixar constancia do seu paso por aquí.

Eu non quero dicir nada... pero voulle tirar a picada a Javier e discípulos de que collo número e me poño na cola, que a entrada da biblio está un pouco triste, e pode que o próximo ano...

VITAMINAS NO

DÍA DAS LETRAS

Parece cada vez máis claro que temos que darlle vitaminas ao noso idioma, especialmente nos medios de comunicación, tanto na prensa escrita como na audiovisual, a ver se colle forzas.

Por eso nace esta iniciativa, na que nos invitaron a participar xunto con outros 16 centros de Galicia (17 centros, como o 17, Día das Letras Galegas - Algúns xa están colgados e podedes velos aquí).

Un grupo de rapaces e rapazas voluntarios, de todos os niveis do Instituto, deron lectura ao manifesto. En realidade fixérono dúas veces: unha primeira volta gravando de un en un, cando había oportunidade, e outro no día de hoxe, dun tirón, no día previo ao Día das Letras. Aquí tedes os vídeos para que escollades o que máis vos guste. Seguide orgullosos de ser galegos e non olvidedes darlle ao noso idioma as súas vitaminas cada día.

LETRAS GALEGAS 2012

Desde 1963 celebramos o  17 de maio o día das nosas letras. Escolleuse este día porque o 17 de maio de 1863 publicouse Cantares Gallegos de Rosalía de Castro.

Neste día homenaxeamos cada ano a algunha persoa que se destacara pola súa creación literaria en galego ou pola defensa da nosa lingua. Este ano a persoa designada pola Real Academia Galega é Valentín Paz Andrade.

Aquí tedes unha presentación para achegarvos a súa vida e obra.

Valentín Paz Andrade- Letras Galegas 2012

View more presentations or Upload your own.