RECOMENZANDO

Xa estamos un ano máis "ao pé do canón". Empezamos un novo curso, cos desexos e esperanzas case sen estrear e cos nervios propios do día:

- Con quen me toca?

- Quen é o meu titor?

- Será moi difícil?

- Iremos de excursión?

- Aprobarei todo?

Pois nada, ánimos a todos e todas, que seguro que teremos moi bos momentos e, ante todo, BENVIDO  o novo alumnado que chega este curso. E benvidos tamén os seus familiares, cos que queremos ter boa colaboración. O instituto, e especialmente a Biblioteca, esperamos que estedes moi ben entre nós e que fagamos moitas cousas xuntos.

Aquí vos deixo unhas imaxes do día da presentación. Mirade a ver se alguén ten cara de susto!?

Presentación 1º 12-13 - presentacion imagenes

FELIZ  VERÁN!!

Xa rematamos e só nos queda a despedida por este curso. Esperemos que as notas finais sexan as mellores posibles e, se non o fosen, seguro que podemos amañarnos para que as vacacións si que sexan o mellor posible, que organizándose ben hai tempo para todo.

Mentras tanto o que si podemos facer é ver un resumo do festival de fin de curso, que aí si que había nervios...

Os que queiran coller o vídeo completo (son máis de 30 minutos) pódeno coller do ordenador Nº 1 da biblio. OK?

Pois eso, que FELIZ VERÁN!!

O CLUB DE LECTURA ARAO

Hai uns días os compoñentes dos Clubs de Lectura (alumnos e adultos) fixemos unha saída cara as terras de Álvaro Cunqueiro, visitando a súa cidade natal, Mondoñedo, e algunha outra zona próxima da Mariña de Lugo. Visitamos a catedral máis antiga de España. San Martiño de Mondoñedo e a chamada praia das Catedrais. O único problema foi que a data programada, que non puidemos cambiar, coincidía coa data de celebración das V Xornadas dos Clubs de Lectura, ás que non puidemos asistir, así que lles enviamos un vídeo (nós e o Instituto de Dices-Rois). Con parte das imaxes que gravamos fixeron a montaxe que aquí vos deixo. En breve subiremos ao Canal Vilán o vídeo completo feito no insti.

Xornada Bibliotecas 9 de Xuño Previo from Bibliotecas Escolares de Galicia on Vimeo.

LECTURAS REFRESCANTES

Ánimo que queda pouco para rematar o curso!! E como cada ano, cando chegan estas datas, a biblio proponvos unha boa forma de aproveitar as vacacións: uns libros "refrescantes". Xa sabedes que durante o verán podedes levar ata 5 libros.
Aquí vos presentamos unha guía coas nosas recomendacións e algunhas das últimas adquisicións recién chegadas ás nosas estanterías, pro lembrade que un bo libro segue a ser un bo libro por moito tempo que pase, así que, ademais da guía, remexede polas estanterías, que seguro que algún libro hai que está esperando por vós.
E recordade tamén que non sodes os únicos lectores, que entre os maiores tamén hai xente á que lle gusta ler, por iso na nosa/vosa biblio hai un sempre recuncho para os libros dos adultos da casa.

Open publication - Free publishing - More bibliotecas

PINTANDO O INSTI

Están os de Plástica qaue non paran. Con Javier ao frente atacan canto atopan ao seu paso. Empezaron polas portas de clase, como podedes ver, e logo, non contentos con eso (afortunadamente) 'atacaron' o muro de entrada do instituto, que estaba tan tranquilo e agora, día si e día non, vese 'invadido' por alumnos armados con pinceis, pintura e gañas de deixar constancia do seu paso por aquí.

Eu non quero dicir nada... pero voulle tirar a picada a Javier e discípulos de que collo número e me poño na cola, que a entrada da biblio está un pouco triste, e pode que o próximo ano...