THINK B4 U POST (II) Pensa antes de colgar

Hoxe @s alumn@s de 2º estiveron na sala de usos múltiples escoitando a charla sobre os riscos de internet (que son moitos). Prestaron moita atención, parece que a charla era do seu interese. Algún dicía que xa o sabía case todo, outros disque aprenderon moitas cousas que ata o de agora ignoraban. O que é seguro é que agora estamos todos mellor informados, polo que navegar e tuentiar seguro que vai ser moito máis seguro. Non si?

Aquí tes un vídeo da Xunta de Andalucía que seguro que che vai gustar.

QUE COLGAMOS?

Tiña que suceder!! Descubríronnos!! Atrapounos a Garda Civil!!
Bromas aparte, o tema é para tomalo en serio. Hoxe estivo con nós, no Grupo de Encontro, a Garda Civil, para falar sobre internet e o coidado que debemos ter cando navegamos pola rede. En realidade non é máis que ter un pouco de sentido común á hora de navegar, especialmente nas redes sociais, e ter coidado coas cousas que subimos e os datos que damos. Por moito que esteamos entre amigos o que subimos á rede non hai quen o controle, e calquera, amigo ou non, pode copiar e difundir o material que pensabamos que estaba 'controlado'. Usemos con 'sentidiño' unha ferramenta tan potente como esta.