ENTROIDO 2012

Outro ano de entroido no Insti. Disfraces, maquillaxe, colores e sabores... Un día distinto, relacións distintas. Ese día non practicamos matemáticas, prácticamos unha coreografía xuntos, profes, profas e alumnos alumnas. Chocolate e baile. Jaime a toda mecha aos mandos do son, Charo facendo filigranas para que todo cadre, o de sempre gravando como pode o que por alí pasa... 

Non cabe aquí todo o que me pedides de ver. Iremos deixando anacos de vídeo no "Canal Vilán". Estade atentos. De momento aquí queda esta mostra:

VALE, VALE, XA ESTÁ

Logo da insistencia dalgunha xente, e a petición popular, tedes colgado en Pedras do Vilán a versión reducida do vídeo do Entroido.
Se queredes que vexamos a versión extendida (26 minutos) teremos que usar un recreo na biblio. Apuntádevos, e se hai xente abonda, facémolo un día da semana que entra. OK?
Parece que a chantaxe funciona e máis xente da habitual fixo un comentario nalgún dos blogs. Eso sempre anima. Graciñas e que cunda o exemplo.

ENTROIDO 2011

Xa está publicada en Pedras do Vilán a entrada do entroido desta mañán, incluídas unhas cantas fotos que podedes descargar. A colección completa de fotos estará, á volta destes días de descanso (descanso de estudo, quero decir) nos ordenatas da biblio para quen as queira copiar.

En breve teremos a disposición o vídeo co mellor do día. Atentos!

MARea de cores

Outro ano celebramos no Insti o antroido. Este ano o tema foi, a petición do público, "o mar" . Houbo moita xente que se 'mollou' no asunto (algúns torpóns 'mollámonos' en pintura) e tivemos un pouco de todo, dende tiburóns a piratas. Pero para informarte mellor non tes máis que visitar o apartado do blog "Outras actividades"

¡¡FUGA DE CONTOS NA BIBLIOTECA!!

Según fontes oficiais ben informadas, na mañá do día 16 de febreiro, na biblioteca IES Pedra da Aguia, produciuse unha fuga masiva de personaxes de contos populares. Parece ser que despois da fuga, os personaxes tomaron ao asalto os corredores do centro, así como a sala de usos múltiples, onde tiveron a cara dura de celebrar un desfile, con teatro e bailes incluídos. Non contentos con iso, e para repoñer forzas, atacaron sen piedade canto pastel, filloa ou orella atoparon no seu camiño, ben acompañados por un saboroso chocolate procedente da cafetería do centro. Unha vez ben fartucos, voltaron á sala de usos múltiples para poñerse a bailar coma tolos ata que decidiron abandonar o recinto, a iso das dúas da tarde.

O bibliotecario, desolado ante os feitos mencionados, anda a procura dun tal Shrek, que parece que controla bastante do tema, para ver se el é quen de devolvelos aos seus respectivos libros. Asegura que conta con probas que demostran que todo o que di é certo, e que quen queira ver algunha non ten mais que picar aquí.