DE LIBRERÍAS NO MES DOS LIBROS

Foi un  'experimento' estupendo e de moi bos resultados eso de ir de "librerías" cos alumnos do Club de Lectura. Como ademais era cedo practicamente toda a Fnac era nosa e puidemos miralo todo con calma e tranquilidade e decidir que era o que queriamos ter na nosa biblio. Que gusto daba ver á xente folleando libros, decidindo... e calculando: canto nos podemos gastar? Por ganas traeríamos cando menos media librería e case toda a sección de cine.... pero todo non podía ser! E hai que ter en conta que había que deixar un tempiño para mirar tamén os 'trapitos', que non todo van ser libros. Verdade, rapazas??

Pena dos que non puideron vir; igual outro día poden ir eles e traer o que alí nos deixamos!

PARA UN AMBIENTE DE LECTURA NA ESCOLA

Coincidindo co Día do Libro 2012, existe unha iniciativa impulsada por Luis Arizaleta (especialista en lectura e desenvolvemento de iniciativas culturais), e na que temos a honra de participar, que nos fai reflexionar aos que a subscribimos, sobre o que el coñece desde hai máis de vinte anos: o ambiente de lectura na escola, e é ese o nome do manifesto que lles invito a ler.

Son doce puntos moi breves pero que, de telos realmente presentes, suporía un verdadeiro reformulación da experiencia lectora, persoal e cultural dos nosos rapaces e rapazas. Para iso dirixímonos a toda a ampla comunidade vinculada coa lectura: escritores, mediadores, contistas, narradores, pais e nais, editores, profesionais da educación...

Aínda que sempre oímos aquilo de “niso todos estamos de acordo” o certo é que no mundo vinculado ao libro e á lectura hai moita leria e adorno estéril, pero tamén temos que dicir que hai moita xente traballando, no noso país e máis alá del, para que as cousas non sexan así. Sabemos que hai unha corrente forte e consolidada de xente que traballa para que os pequenos, medianos e maiores vivan a lectura con pracer e sabemos que, ademais, conségueno. E non deixa de ser significativo que xunto a todas esas persoas, que irán en aumento, ou non, non tiveran dúbida en estampar a súa su firma xente como Francesco Tonucci, ou escritoras como Rosa Aneiros ou Fina Casalderrey, de entre un grupo de 108 profesionais relacionados coa lectura.

O dito, propóñovos a súa lectura:

Open publication - Free publishing - More biblioteca

MES DOS LIBROS

Xa estamos en abril, case sen decatarnos, e temos que celebrar que estamos no mes dos libros. Penso que somos moitos/as, máis dos que a xente imaxina, aos que nos gusta esa tolemia da lectura.

Unha casa editorial fixo unha presentación, que si ben ten motivos comerciais, non deixa de explicar bastante ben algúns momentos polos que pasamos os lectores. Nalgunha ocasión, posiblemente en máis de unha, nos temos visto a nós mesmos coas mesmas sensacións, metidos no libro, alleos ao mundo, querendo saber e ao mesmo tempo querendo que non se acabe... Xa me diredes si estou no certo:

AO SOL DE PRIMAVERA
Xa temos aquí as vacacións da semana santa que chegan coa primavera. Este ano máis veraniegas que nunca, cun sol que quenta que parece pleno verán.
E debe ser que todo florece nesta época, porque tamén florecen os Araos: queremos darlle a benvida a tres novas lectoras que se non unen agora, e espero que por moito tempo. Benvidas Adela, Desi e Laura, encantados de tervos con nós!
Pois xa sabedes, coma sempre, tedes a nosa guía de suxestións (e xa sabedes que hai moitos máis) de lectura.
Unhas recomendacións, entre moitas posibles, para tumbarse na herba a ler un cacho. E non te preocupes se a vista se che perde de cando en vez nas flores que andan a rebentar nas árbores ou o canto dos paxaros, coas súas reviravoltas aéreas nos fagan levantar a vista da páxina na que estamos.
A primavera é así, a vida é así, a lectura é así.

Open publication - Free publishing - More biblioteca

SECRETO DESCUBERTO??

Hoxe tivemos un encontro, un moi agradable encontro, cos creadores do Mundo Secreto de Basilius Hoffman, Fernando Cimadevilla (escritor) e Iván Valladares (ilustrador), que nos desvelaron parte dos segredos do libro e nos puxeron os dentes longos esperando a segunda parte.

Ademais Iván deleitounos mostrándonos o traballo, enorme, previo ás ilustracións definitivas. Como botón de mostra vimos os estudos de anatomía dos "felinos", para conseguir a súa forma definitiva e saber entón como se "moven" ata os estudos sobre o "Argestes" e o seu funcionamento. Impresionante.

Queremos agradecerlles a santa paciencia, xa que tivemos que pospoñer a visita nunha ocasión, e o ofrecemento de enviarnos un debuxo orixinal adicado.  Por outra banda lamentamos que xusto hoxe (xa era moito cambiar datas) houbera membros do club que non puideron asistir á reunión. Pero en fin, como quedamos convocados para o segundo volume... xa haberá tempo.

Aquí vos deixo unhas fotos de mostra:

Encontro secreto on PhotoPeach