VOLCÁNS SI, VENTO NON

Puidemos facer estoupar volcáns e xogar coa terminoloxía de Tecnoloxía, pero... pasamos sen papaventos. OOOOHHH!!!
Imos confiar en que o tempo 'empeore', só un pouquiño, e teñamos algo de brisa mañá, ou o luns, e que veña da dirección axeitada!
Así tamén tedes unha oporfunidade, os que deixáchedes o papaventos na casa, de traelo. A ver cantos podemos ter no aire ao mesmo tempo!

NATURE BY NUMBERS

Para ir facendo boca, á espera da exposición que teremos en breve, na que se funden arte e matemáticas, colgo aquí este vídeo (vía Trafegando Ronseis) que mostra como a natureza se rixe polas mates, ou como as mates explican a natureza, que non sei se vai o ovo antes que a galiña ou ao revés. Así gústanme as mates incluso a min, que nunca tiven a sorte de que algún profe me achegase a ese mundo con pracer e sen temor.

HOMO CONSUMUS

Aquí tedes un vídeo bastante clariño, e feito con humor (e con moita calidade) sobre os nosos hábitos. Xa que no centro estamos con varias campañas de reciclaxe podemos adicarlle un tempo a esta historieta e decidir a cal dos dous xéneros pertences: eres dos Homo Consumus ou pertences aos Homo Responsabilis??

La hora del planeta

Mañá, de 8:30 a 9:30 é "A hora do Planeta" promivida por WWF. Se queres saber de que vai tes unha boa páxina aquí. Se cres que é importante, anímate e participa. Non seremos moi visibles nun lugar pequeno, pero sentirémonos mellor, seremos parte de algo.

Nota: o debuxo superior está en gris debido ao "cambio cromático"

Aquí tes o vídeo oficial de "A hora do Planeta"

SAÍDA DE CIENCIAS NATURAIS Á CORUÑA
Xa tedes a entrada correspondente á excursión que fixeron os de 1º e 3º á 'Coru' o martes pasado no apartado Pedras do Vilán. Saídes todos e todas moi 'ghuapiños' e 'ghuapiñas'!

A Festa de Voz Natura
Só un pequeno apunte para que saibades que no apartado de outras actividades tedes unha entrada adicada ao día da festa de Voz Natura. Picade no enlace que hai na columna da dereita e chegaredes axiña!

QUE PLANTÓN!!

Que plantón andan facer os de Ciencias Medioambientais do Insti!! Pero tranquis, que non é un plantón de deixar plantado/a a ninguén.

É que andan a plantar unhas árbores no patio (como podedes ver nestas fotos) que vai dar gusto velas cando empecen a florecer. E fixérono tan ben que ata saen no periódico.

Seguro que para saber de plantas andan pola biblioteca adiante buscando libros que falen do tema. Tí tamén podes enterarte de como son e como viven as plantas se buscas na biblio. Pero para non perder tempo, e se recordas os números da CDU, seguro que vas directamento ao número... Unha pulsera da serie da tele "Héroes" para o primeiro que me diga cal é o número da CDU adicado á Botánica.