ARAOS TINTINEROS

Non podiamos desaproveitar a oportunidade, téndoa tan cerca, de ver a película de Tintín. Así que os Araos despregamos as ás (coa axuda dalgún papá Arao- grazas mil) e marchamos a Cee para poñernos guapos con esas gafas tan molonas que permiten ver en 3D. Hai que agradecer tamén á xerencia dos cines Xunqueira, que nos fixeron prezo especial por ser un Club de Lectura. Vantaxes de ser lectores!

Así pois, sentámonos comodamente nas butacas, acordámonos un momentiño dos que non puideron vir... e escomenzamos a nosa particular sesión de canibalismo: unhas aves (os Araos) coméndose outras aves (os flocos de millo). 

Agora só cómpre coñecer máis a fondo a Tintín e ler as súas aventuras na versión orixinal: os cómics. Se queredes ver cales son, e algún exemplo de viñetas podedes visitar esta páxina.

ROMÁNICO na RÍA

Da gusto ver como imos sendo quen de valorar o que temos na nosa zona. Hoxe fixemos unha excursión, organizada polo Seminario de Estudos Comarcais, inte-resantísima (das 'aburridas' que diriades vós) visitando igrexas románicas ubicadas na ría de Camariñas, de gran valor artístico e histórico.

A ver se recoñecedes a alguén, aínda que iso non ten moito mérito. Ten máis mérito recoñecer as igrexas: invito a piruleta a quen me diga o nome de, polo menos, tres das que aparecen nas fotos. Algún atrevido/a???

BALARE-ANDO
Logo dun día estraño, o 29, (nun curso estraño como ben saben os da Anpa), retornamos á 'normalidade'. E que mellor forma que cunha xornada de convivencia, dándonos un soberano paseo ata a praia de Balarés. Un día de sol estupendo, tempo para falar cos amigos e cos profes (sen que che pidan os deberes) e unhas ondas estupendas para darse un chapuzón. Quen dá máis? Tres hurras por Javier Sesma, que nos leva por eses lugares tan fermosos: hip, hip...
Aquí vos deixo algunhas fotos; o lote completo no ordenata da biblio, vale?

SAÍDA DE 3º -PROXECTO TERRA

Así de presumidos, como o pavo da foto, iban os de 3º na súa saída a Ferrol, encadrada dentro do Proxecto Terra. Os do club de lectura tamén sabemos algo diso, porque non hai moito que limos o estupendo cómic de Miguelanxo Prado sobre o tema.

Podedes saber máis sobre esta saída, coma sempre, dando unha voltiña polas Pedras do Vilán.

LAGARTOS

AO SOL
Así estaban os da saída a Santiago do xoves pasado, como lagartos ao sol na Praza da Quintana, practicando para cando vaian a estudar á Universidade de Santiago, que xa sabemos que é un dos lugares favoritos dos estudantes cando hai sol. Que mellor sitio para ler os apuntamentos de clase? En fin, se queredes saber máis, xa sabedes, visitade as Pedras do Vilán, que son as que sosteñen o faro.

Teatro en 'English'

Saímos do centro para percorrer as rúas antigas de Santiago, ver unha obra de teatro en 'English' e visitar o Mupega.

Pasámolo bastante ben, menos as dúas da foto, que se aburrían tanto que se quedaron durmidas unha sobre a outra. Se non mo credes podedes comprobalo visitando Pedras do Vilán, onde tedes as fotos que o demostran.

GRANDES PATINADORES
Que non grandes patinazos!
Xa tedes en Pedras do Vilán un mostrario das fotos do día da saída de 1º e 2º a Betanzos e á pista de patinaxe sobre xeo.

HOXE PECHAMOS!
Xa é raro que na biblio nos guste pechar; pero hoxe si! Fómonos todos de marcha! Á marcha de Traba a Laxe. Todos xuntos, profes e alumnos, lectores e non lectores, estudosos e non...
Para saber máis sobre o tema visita "Pedras do Vilán", alí está o que esperades.

SAÍDA DE CIENCIAS NATURAIS Á CORUÑA
Xa tedes a entrada correspondente á excursión que fixeron os de 1º e 3º á 'Coru' o martes pasado no apartado Pedras do Vilán. Saídes todos e todas moi 'ghuapiños' e 'ghuapiñas'!

"SCUSATE IL RITARDO"
"Perdoade o retraso", como dicía V. Rossi ao reconquistar o título mundial de Moto Gp, logo de dous anos.
Aquí, no blog, as escusas veñen porque este principio de curso estivemos un tanto lentos, e pasaron algunhas cousas que non apareceron no blog: o principio de curso, a apertura da biblio, a visita de Stephen Hawkins (aí queda eso!!) a Fisterra...

Como compensación deixamos na nova sección "Pedras do Vilán" un lotiño de fotos (o primeiro, logo virán máis) da marcha que fixemos de Traba a Laxe.

E, por suposto, darvos a todos unha cálida BENVIDA!!!

Unha semana movida
Esta semana foi bastante movida no Instituto, xa que coincidiron dúas actividades consecutivas. Os de 1º e 2º foron a ver teatro a Santiago. Foron o día 29, xoves, debido a un cambio de datas da compañía de teatro. E o día 30 foron alumnos/as de todos os niveis á competición de campo a través que se organiza en Cee.
Podedes saber máis de todo isto visitando a sección "Outras actividades"

Lemos de todo

Quen dixo que non liamos? Os de 1º e 2º son quen de ler ata en inglés... ou eso din! Foron ver unha obra de teatro e antes de vela xa leran o texto enteiriño en ingles... ou eso din! Ao remate había diferencias de opinións, que si era mellor a obra deste ano, que si era mellor a do ano pasado... Ti que opinas?

Si queredes ver como foi a cousa visitade a sección "Outras actividades". Tedes o enlace na columna da dereita. Podes deixar alí o teu comentario.

En calquera caso o que sí empezou a funcionar foron os correos 'elecstrónicos' do alumnado e iso está ben, que gañamos tempo e aforramos papel.

A Festa de Voz Natura
Só un pequeno apunte para que saibades que no apartado de outras actividades tedes unha entrada adicada ao día da festa de Voz Natura. Picade no enlace que hai na columna da dereita e chegaredes axiña!

Corre lingua 07

Outro ano máis o insti participa no Correlingua, que este ano, na Coruña, cadrou en 15. Coma sempre, fomos un 'mogollón e medio': 132, e iso que este ano puxemos algunha condición á hora de apuntarse!

Había boa 'marchita', como se poder ver nas fotos e no vídeo, e tempo para cantar (mal), entrar nas pastelerías, ligar (pouco), bailar co Xabarín, equivocar o camiño e dar a volta, comer, ir ao cine... e ata facer compras!!

Non está mal como día para defender o que é noso e non queremos perder: o idioma. Tamén é certo que por aquí tratámolo bastante ben e non é necesario adicarlle un día especial xa que o coidamos a diario.

Semana das Ciencias

Os de primeiro e segundo nivel foron hai pouco a Santiago a ver teatro en inglés (e aprenderon mogollón) e tamén fomos ver o Museo de Historia Natural da Universidade de Santiago. Aquí podes ver a visita.

Por iso na entrada da biblioteca podedes ver unha pequena mostra dos materiais que tedes na biblio con referencia a este tema. Como podedes ver o material é 'tocable' e de paso querémosvos lembrar que este tipo de materiais tamén os podedes levar en préstamo, aínda que algúns días menos que se foran libros de ficción. O que non podedes sacar da biblioteca son os dicionarios e enciclopedias, porque poden facer falta en calquera momento.