HOMENAXE MERECIDA

O pasado sábado, durante o descanso do partido, o Club de Balonmán Boya, de Camariñas, tivo a feliz idea de homenaxear ao noso Javier. Non estamos afeitos a que se recoñeza publicamente o noso traballo e foi, para todos nós, unha alegría que alguén recoñecese o labor realizado por Javier durante todos estes anos.

Estou certamente seguro, e penso que non son o único, que o deporte neste concello non sería igual sen a súa presenza, esforzo e constancia. Desde logo, eu non sería igual!

Desde aqueles primeiros anos cambiaron moitas cousas, pero sempre quedarán na memoria as Festas da bicicleta, os equipos de deporte escolar, as primeiras clases de vela, as carreiras de campo a través, o descenso do río en piragua, as clases de esgrima, de escalada, de... Non, rapaz, ideas nunca che faltaron!

ENTREGA DE TROFEOS

Hoxe se entregaron na biblio os trofeos do Torneo San Xurxo, que xa é todo un clásico do deporte no centro. Houbo trofeos para equipos e para os pichichis de cada categoría.

Para que a festa fora algo máis 'marchosa' cumprimos hoxe a promesa que tiñamos feita hai un tempo, de ter na sala unha sesión de "Beat Box". Os amigos Pablo e Jaime fixeron toda unha exhibición. Podedes vela aquí debaixo e no Canal Vilán.

PLAY & WIN

Xa rematou o torneo de basket dos recreos. Tedes máis información e algunhas imaxes da final, coma sempre, en Pedras do Vilán. (Por certo, agora que non nos escoita ninguén: a alguén se lle ocurreu a idea de agradecerlle a Javier a organización do torneo e o feito de estar dispoñible para vós durante os recreos...?)

A PESAR DO FRÍO

Non hai máis que ver as caras para saber o frío que facía onte en Cee. Pero o ambiente caldeouse rapidiño! Tan rapidiño como os/as nosos/as atletas, que tiveron que pedir prestada unha carretilla para cargar con todo o lote de medallas que conseguiron nas distintas categorías.
Hai información na Voz de Galicia, e tedes a crónica (feita por Michael e David) e as fotos no blog Pedras do Vilán.

GRANDES PATINADORES
Que non grandes patinazos!
Xa tedes en Pedras do Vilán un mostrario das fotos do día da saída de 1º e 2º a Betanzos e á pista de patinaxe sobre xeo.

Escaques III
Logo de tanto cantar no Insti en favor da paz... chegan as batallas!
Comenza o III torneo Escaques de xadrez, a única batalla que debe haber na nosa comunidade. Os contendientes (con dúas 'contendientas' incluídas, as únicas que se atreveron) pelexarán entre eles o tamén contra o tempo. Quen será o vencedor/a de tan dura batalla??
Os luns e mércores podedes asistir á 'guerra' en directo, na biblio, pero recordade: os que miran son de cartón (e por tanto non falan)!!

Unha semana movida
Esta semana foi bastante movida no Instituto, xa que coincidiron dúas actividades consecutivas. Os de 1º e 2º foron a ver teatro a Santiago. Foron o día 29, xoves, debido a un cambio de datas da compañía de teatro. E o día 30 foron alumnos/as de todos os niveis á competición de campo a través que se organiza en Cee.
Podedes saber máis de todo isto visitando a sección "Outras actividades"

Un ximnasio movido

José Gacio, seleccionador galego de judo, andivo polo insti o mércores pasado. Gacio é Cinturón Negro 5º Dan de Judo pero, como tódolos auténticos bos deportistas, consegue que non se note.

Amable e agradable pasou un bo día no insti e, polo que parece nestas fotos, o alumnado tamén o pasou ben. Un "positivo" para os profes de E.F. e para Fran, o do Concello, que conseguiron traelo ao noso centro. ¿Atoparía aquí algún futuro competidor olímpico?

Un Chupa-chups para o primeiro que me diga cal é o número da CDU que usamos na biblio para os libros de deporte!