O AUDIOVISUAL NO INSTI

Este ano seguimos coa programación da actividade "O audiovisual nas aulas", que vén coordinando a biblioteca dende o curso pasado e que está promocionada polo Consorcio Audiovisual de Galicia.

Este ano inícianse no tema, dun xeito xeral, os de 1º nivel e os de 2º asisten a unhas xornadas de iniciación á animación, e parece que están animados vistos os traballos que realizaron hoxe, dirixidos por Virginia e Tomás, de "Algarabía animación". Cando teñamos o traballo definitivo, xunto cos realizados polos outros Instis, xa faremos un pase público para que todos poidades velo. Mentres tanto tedes que conformarvos con ver algunhas fotos.

¿Algún futuro director de cine entre o público?

Á PROCURA DO DATO

O ano pasado, cando estaban en primeiro, viñeron ver a biblioteca do insti para saber como estaba organizada e como atopar o que buscaban, sobre todo no que se refería a libros de ficción, para ler. Naquel momento algún colleu tal susto que saíu correndo e non voltou pisar a biblio ata este curso!!

Pero agora, que xa lles pasou o susto, volven, en segundo, para seguir practicando e para ver como é iso de facer os traballos que piden os profes, como atopar información e como presentala despois de traballala. Iso que queda tan bonito cando lle chaman "educación documental" ou "educación en información..."

A cousa é que está claro que non sempre vai "colar" o de visitar "el rincón del vago", que os profes xa o coñecen, e hai que espelir, que seguro que hai moitos traballos que presentar, neste curso e nos que virán.

Se queres ver máis imaxes de como traballan os de 2º ata a extenuación, preme na foto.

PALABRA NAMORADA
Coma todos os anos, este tamén ten o seu concurso para poetas.
Recorda que para participar debes completar o poemario que che entregamos coas pegatinas correspondentes. É moi fácil.
Unha vez que o teñas completo debes entregalo cun seudónimo, o mesmo co firmarás o/os poema/s. O teu nome real só aparecerá dentro dun sobre pechado. O poemario podes recuperalo cando o xurado comprobe que está ben.

Podes entregar un pema en cada unha das linguas que se estudan no instituto: galego castelán, ingles e francés. Hai un premio en cada ciclo para cada unha das linguas, así que... ANÍMATE!!

Os gañadores serán dados a coñecer o mércores 14 na biblioteca, onde os autores nos lerán os seus poemas premiados.

QUE PLANTÓN!!

Que plantón andan facer os de Ciencias Medioambientais do Insti!! Pero tranquis, que non é un plantón de deixar plantado/a a ninguén.

É que andan a plantar unhas árbores no patio (como podedes ver nestas fotos) que vai dar gusto velas cando empecen a florecer. E fixérono tan ben que ata saen no periódico.

Seguro que para saber de plantas andan pola biblioteca adiante buscando libros que falen do tema. Tí tamén podes enterarte de como son e como viven as plantas se buscas na biblio. Pero para non perder tempo, e se recordas os números da CDU, seguro que vas directamento ao número... Unha pulsera da serie da tele "Héroes" para o primeiro que me diga cal é o número da CDU adicado á Botánica.

¡Que Reis máis Maghos!

Agora que xa estamos de volta xa podedes contarnos o 'Majos' que foron os Reis. Seguro que podedes presumir de mogollón de regalos.

A pregunta, por curiosidade, é ¿Tivéchedes de regalo un libro, ou regaláchedes un libro? E se houbo tales regalos... ¿molou ou foi un pao? Gustaríanos saber cales foron esos libros e que tal vos pareceron. Contádenos algo picando aquí debaixo, onde pon "comentarios" (Recorda: cando escribas o teu comentario, para poñer o teu nome, escolle "otros" debaixo do comentario e logo pica en "publicar")