PALABRA NAMORADA 2012

 Este ano, as palabras namoradas do noso Insti tomaron camiños novos: fíxeronse carta e fixéronse canción. Ademais os nosos carteiros do amor tamén tiveron traballo, aínda que seguro que en vindeiros anos han ter máis.

O que si está craro é que os talentos 'ocultos' (non tanto) do alumnado non deixan de sorprendernos. Non só os hai que escriben moi ben, e con moito sentimento, é que ademais cantan moi ben, (e algunha especialmente ben, verdade Laura?) como quedou demostrado hoxe. Sentímolo por Érica, que non poido cantar a súa canción (fallos da técnica, a pesar dos nosos esforzos, sorry so much!), e todos sabemos desde o festival anterior o ben que o fai.

Queredes que a próxima vez as cancións sexan adicadas?

QUE MEDO ME DÁS!!

Xa temos aquí de novo o certame de micro-relatos de terror deste curso. Temos que felicitar ao alumnado de 4º que este ano ten máis participación que os de 1º ciclo. Felicitamos tamén, e agradecemos, ao profesorado que promoveu nas aulas a participación no certame. 

Tedes aquí debaixo os relatos. Todos arrepiantes. Lédeos atentamente e votade polo que máis vos guste. Tedes a enquisa abaixo dos contos. Haberá premios para cada ciclo. E xa postos a votar, quen é capaz de saber que profe escribiu cada un dos catro últimos relatos?

Atentos ao día das lecturas dos gañadores e á entrega de premios.

Que medo me das!! 2011

View more presentations or Upload your own.

Vota nesta enquisa: marca os teus favoritos e preme INTRO.(se non premes non memoriza)

QUE MEDO ME DÁS!!

Xa temos aquí cerquiña o Samaín-Halloween. É tempo de pasar medo!
Xa podedes ir afiando os coitelos... para preparar as cabazas. E podedes ir afiando os lapis para escribir eses terroríficos relatos de terror aos que nos tedes acostumados, e para debuxar esas espantosas (porque dan espanto, ollo) ilustracións.

As cabazas hai que entregalas os días 26 e 27 deste mes. Os relatos e debuxos teñen de prazo ata o 4 de novembro, para que teñades tempo de ir afiando os dentes.

En calquera caso podedes ler as bases aquí debaixo. Así que... Ánimo, sen medo!!!

Open publication - Free publishing - More biblioteca

ENTREGA DE PREMIOS

Estes días non paramos de facer actos na nosa biblioteca. Desta volta a propia biblio, o Dep. de Galego e o de Dinamización veñen de entregar os premios do Certame Literario do Día das Letras Galegas.

Para comenzar houbo un recitado de poesía a cargo dos de 1º. Antía, Carlota, Lara e Laura, de 1ºA leron "Letanía de Galicia" de Uxío Novoneyra. Sara e Laura, de 1ºB, leron "Os ratos" de Celso Emilio Ferreiro.
Logo os diferentes autores premiados leron as súas creacións: os poemas gañadores, de María Canosa e Raquel Lema, ou algún anaco do texto narrativo premiado, de Rui Santalla e Carlota Campaña. Aquí vos deixamos un vídeo con imaxes do acto.

ENTREGA PREMIOS
RELATOS DE MEDO

Por fin puidemos realizar o acto de entrega dos premios aos mellores micro-relatos de medo deste curso. Pagou a pena esperar, porque había un ambiente estupendo, en gran parte grazas á decoración da nosa 'graffitera' oficial, Aitana, e ao excelente público que enchía a biblio.
No blog do Recanto literario tedes os textos completos das gañadoras (si, todo mulleres, a ver se espabilamos, ehhh!). Aquí deixo un vídeo do que aconteceu, aínda que o deixo con gran tristura (e un pouco de medo, por se me queren dar un pao) porque fallou nos relatos de Isabel e de María. O de Clara escóitase pero vese mal. Os de 2º ciclo vense bastante ben. Será que os maiores teñen enchufe!

Que medo me dás!! 2010 from Libraco on Vimeo.

QUE MEDO ME DAS 2010

Xa temos aquí os micro-relatos de medo deste ano. Esta vez a colleita foi boa: temos 30 relatos sanguentos para escoller. Ademais, este ano... tachánnn!!... podedes votar polos que máis vos gusten. Logo o xurado escollerá entre os máis votados.
Para lelos podedes ampliar a imaxe, e pulsar co rato para pasar páxina. Anota o títulos dos que che gustan. Na última páxina tedes o enlace coa enquisa.
Si xa os tedes lidos e queredes pasar directamente á votación podedes picar aquí.

Que medo me das!! 2010

View more presentations or Upload your own.

MÁIS CAPÍTULOS

A historia andante segue o seu camiño e parece que comeza o ano con forzas: a trama vaise complicando e aparecen sentimentos que estaban gardados baixo chave... Temos xa tres novos capítulos, de Roi, Álvaro e Aitana. Queres saber como vai? Pica no libriño que tes na columna da dereita deste blog. Eu xa teño gañas de saber como segue!

NOVOS CAPÍTULOS

Xa temos dous capítulos máis na nosa historia andante. Logo do capítulo feito por Raquel, de 4ºB, temos outro máis realizado por Javier Brey, o profe de Plástica. Mirade como deixaron ao pobre Emilio nos últimos capítulos publicados! (Ata lle medrou o pelo!!)

Esperemos que nos seguintes, (que aparezan pronto!!) alguén teña un pouco de misericordia... Que pasará co pobre Emilio, que non ten culpa de nada? Quen seguirá contando a historia??

De momento podedes seguila picando no libriño que hai na columna da dereita.

ENTREGA de PREMIOS

Fai un par de días fixemos a entrega dos premios do Samáin/Halloween deste curso. Gustounos moito entregalos porque houbo unha boa participación e un nivel bastante alto.

Xa podedes ver, polas caras que se ven nas fotos, que os gañadores tamén estaban bastante contentos. Noraboa a todos/as!

Entrega Premios Samaín 09 on PhotoPeach

UNHA HISTORIA A MOITAS MANS

Hoxe tivemos un nacemento na biblioteca. Naceu unha historia que, coma todos os recén nacidos, non sabemos moi ben por onde irá, con quen se atopará no camiño, como medrará, e moito menos como rematará.

Podedes seguila picando no libriño que tedes na columna da dereita. E xa sabedes, se queredes formar parte dela e axudala a medrar, non tedes máis que apuntarvos na biblio ou mandar un correo indicando o voso nome e curso.

Que medre ben!

II Certame de Micro-relatos e Ilustración
Que medo me das...!
Xa está convocado o segundo certame de micro-relatos de medo, o primeiro deste curso.
Hai tamén un certame de ilustración dos relatos, feito(s) polo propio autor/a ou por outro concursante. Tedes as bases nas aulas, nos corredores e, por suposto, na propia biblio. O prazo de entrega remata o próximo luns 26 e podedes mandalos ao correo da biblioteca (que tedes aquí mesmo, na columna da dereita) ou entregalo na biblio en papel ou en lapis de memoria, tarxeta... Recordade de firmar con pseudónimo e entregar o nome real en sobre pechado.
Non teñades medo e animádevos!!

CERTAME LITERARIO INTERCENTROS

Este ano, no certame literario das Letras Galegas que organiza o noso Concello, participaron un total de 35 alumnos e alumnas nas modalidades de poesía, narrativa e cómic. Destes alumnos e alumnas resultaron premiados 17.

Os premios entregaranse en Camariñas o domingo 17, Día das Letras Galegas, na Praza da Insuela, ás 12.30 da mañá.

Noraboa a todos e todas, participantes e premiados!

Ánimo e a seguir escribindo!

A poesía está na nosa vida
Así o afirma un 'ghaçafello' que anda solto pola biblioteca, autor dun dos poemas premiados no certame "Palabra Namorada" e que ademais montounos un Taller de Poesía para o alumnado de 1º que quixo asistir.
O resultado é que xa temos os premios do certame literario deste curso. Os premios de Castelán quedaron desertos, pero a cambio temos dous en francés e un en inglés, ademais, claro está, do premio en galego. Os poemas gañadores podes lelos no apartado de Recanto Literario e tedes máis información sobre o tema en Pedras do Vilán.
Saúde e poesía!!

Música Namorada
Tedes aquí abaixo as catro cancións que aparecen no poemario de Palabra Namorada, para que vexades que a poesía con música entra. Tamén soa unha fermosa canción se picades no poemario para velo en grande.

Cal delas vos parece a mellor canción de amor? Podedes votar publicando un comentario!

Discover Wet Wet Wet!

PALABRA NAMORADA
Chegou San Valentín e con el as flores aos corredores do Instituto. Chegou tamén o certame Literario "Palabra Namorada". Tedes á vosa disposición un poemario (incompleto, claro!) para os que queirades participar. As bases podedes lelas premendo aquí e o poemario podedes velo na columna da dereita deste blog. Picade encima e verédelo en grande.
Recordade que podedes participar con poemas en calquera das linguas que se estudan no insti e que podedes entregar un en cada lingua!
E ollo, que parece tamén hai profes dispostos a rimar, pero tranquis que os vosos premios están asegurados!

Daltonismo VITAL

Alicia Baña Castro

Xa cando estaba no instituto (na foto) gañaba premios literarios. Contaba unhas historias como esta que podedes ler aquí, que aínda hoxe conservamos. Agora escribe poesía.

"Daltonismo VITAL" é o título do libro que presentou o domingo, día 7 de decembro na libraría LER de A Ponte do Porto. Unha vez feita a presentación e escoitados algúns dos poemas, de propia voz, podemos afirmar que Alicia o 'daltonismo' de Alicia non é máis que unha visión moi lúcida do mundo, aínda que neste primeiro poemario sexa un tanto oscura.

Premio Nacional de Literatura

Acaba de coñecerse o Premio Nacional de Literaura Infatil e Xuvenil deste ano, que lle foi otorgado ao noso benquerido Agustín Fernández Paz, recoñecendo así o traballo tan estupendo que Agustín ven facendo dende hai xa moitos anos. Os seus libros sempre tiveron unha moi boa acollida entre os lectores xuvenís. Na biblioteca do Instituto podedes atopar varias obras súas, incluíndo esta última, gañadora do premio. Non vos extrañe se algún deses libros non está tan noviño coma outros, porque seguramente xa foi lido por varias persoas, que é o mellor premio que un libro pode ter.
Aquí podedes ver e escoitar ao propio Agustín nunha entrevista feita hai pouco tempo. Tamén podes ler a entrevista e o artigo publicados en 'La Voz de Galicia' o día 26
FELICIDADES, AGUSTÍN!! E a vós: felices lecturas!

Palabra Namorada

Xa temos os gañadores e gañadoras do concurso Palabra Namorada deste curso. A verdade é que non parece importar moito se as bases indican que se escriban poemas, coma outros anos, ou cartas, coma este, porque sempre aparecen textos que poñen en apretos ao xurado para decidir a quen darlle o premio.

Dende aquí queremos darlle as grazas a todos/as os/as participantes que, premiados ou non, se atreveron a poñer en palabras sentimentos e emocións que moitas veces non nos atrevemos a sacar á luz. Aquí tedes os nomes dos gañadores, no Recanto Literario tedes as cartas, nas que respectamos o anonimato dos pseudónimos:

A) EN LINGUA GALEGA:
1º CICLO:
Lorena Dios Olveira 2º C
Virginia Bermúdez Alborés 2º B

2º CICLO:
Francisco Barcia Trashorras 4º C
Soraya Lema Suárez 4º C
(Premio especial á calidade participando nas dúas linguas).

B) EN LINGUA CASTELÁ:
1º CICLO:
Andrea Ferreiro Cerdeiras 1º C

2º CICLO:
Alicia Ogando Martínez 4º B

San Valentín Sonoro
Para favorecer a inspiración no certame de Cartas e mensaxes sms de Amor, convocado pola biblioteca, temos aquí unha ducia de preciosas cancións de amor:
Os 40Principais teñen a ben ofrecernos estas cancións na súa páxina adicada a San Valentín.
Podedes votar a que máis vos guste, nos comentarios desta entrada, e no recreo do martes, no remate do prazo de entrega das cartas, podemos poñela de fondo musical na biblio. Apetece??

Nin Unha
Nada, que non dades nin unha!
Ninguén acertou cales foran os tres profes que fixeran os relatos, así que o premio quedou deserto. Lástima, porque era unha Playstation 3 con dous mandos inalámbricos e un lote con 6 ou 7 xogos carísimos, ademáis dun móvil de última xeración con GPS incorporado, e máis...
En fin, se vos serve de consuelo podedes volver a ver os contos no "Recanto Literario" e teredes remarcados os nomes dos autores/as ao final e cada conto.
A próxima vez será!
BubbleShare: Share photos - Delicious Christmas Recipes.