DÉRONLLE CABAZAS!

Ben, en realidade a cabaza deuna ela.

O que fixo o xurado foi concederlle un premio polo traballo ben feito e por esa pinta de "Dona Rogelia" (para os que recordan a tal "señora") con cara de tomarse o mundo a cachondeo.

Temos algún "cheque" máis esperando aos alumnos que non teñan "medo" de escribir e/ou ilustrar o micro-relato de terror do certame literario deste ano. 

Na biblio xa estamos esperando, sedentos de sangue, que chegue o día das lecturas, para chantarlle os nosos "cairos de vampiro" a quen se atreva a entrar alí. Se non me credes mirade este vídeo para ir sabendo o que vos agarda... 

Personalize funny videos and birthday eCards at JibJab!

A IGUALDADE:
MISSIÓN POSSIBLE

A área de igualdade do Concello de Camariñas eo I.E.S. Pedra da Aguia de A Ponte do Porto, organizan o primeiro concurso de curtametraxes realizadas polo móbil:

A igualdade: Missión Possible.

Mira os vídeos atentamente no Canal Vilán de Youtube e logo vota aquí debaixo polo teu preferido:

Esta actividade participativa de sensibilización e prevención ten como pretensión principal que a mocidade desenvolva a súa creatividade por medio de visibilizar a situación de desigualdade que viven moitas mozas en situacións cotiás na nosa sociedade por medio do uso das novas tecnoloxías. Preténdese que o alumnado participante forme parte de todo o proceso de elaboración da peza e sexa protagonista da súa propia aprendizaxe.
Das catro curtametraxes resultantes elixiranse as dúas mellores, por medio dun premio a mellor curtametraxe elixida por un xurado especializado e un premio ao mellor corto elixido polo público. Os premios non poderán ser acumulativos. Se o premio do público coincide na curtametraxe galardoada polo xurado, será a seguinte en orden de votación a que obteña o premio.

XA SABEMOS QUE!!!

Xa rematamos o Sabías que...? deste curso e, logo dunhas emocionantes xornadas, onde os nervios tiveron moito que dicir, xa sabemos quen son os gañadores do concurso.
Os finalistas foron tres equipos bastante ben repartidos, porque había neles xente de case todos os niveis, de 1º a 4º, e só faltaba alguén de 3º. Finalmente, nunca mellor dito, alcanzaron o gran premio os de 4º, en segundo lugar un equipo de 2º e en terceiro lugar un equipo mesturado de 1º e 2º. Penso que non estivo nada mal e seguro que o ano que ven aínda será mellor.
Noraboa aos finalistas e moitas grazas a todos os participantes, aos que chegaron máis arriba e aos que quedaron nas primeiras roldas. E ánimo, que haberá máis cursos e mais Sabias que? e agora xa tedes experiencia!
Ah, e para ver o vídeo con música picade aquí!

EMPEZAMOS

Xa temos en marcha o concurso deste ano de Sabías que...? Como novidade, este ano cambiamos o formato, e agora xogamos equipo contra equipo. Os gañadores pasan á seguinte fase, e irán enfrontándose entre eles, ata chegar á Gran Final. Na primeira fase tedes unha serie de preguntas cun máximo de 30 segundos para contestar. Na segunda fase cada equipo contará con 5 minutos para averiguar as respostas dunha serie de preguntas encadeadas, e no caso de que os dous atopen as solucións, o tempo empregado por cada un será o que decida quen é o vencedor. Emocionante, non si? Se non estás nun dos equipos, podes asistir como público na biblio durante os recreos. Sorte aos participantes!

A IGUALDADE: MISSIÓN POSIBLE

Está convocado o concurso de curtas realizadas co móbil, ou coa cámara de fotos, sobre o tema da igualdade, seguindo o slogan gañador do concurso do ano pasado: A igualdade, missión posible! Colabora con nós, para sacar adiante a iniciativa e premiar aos gañadores, a Concellalía da Área de Igualdade do Concello. Haberá dous premios, un do Xurado e outro por votación popular. En canto teñamos os vídeos preparados (un pouco de paciencia) colgarémolos neste blog para que poidades votar polo que máis vos guste. Podedes consultar as bases aquí. E recordade, a igualdade conséguese día a día, entre tod@s.

NOV@S PALILLEIR@S

I CONCURSO DE ENCAIXE

O Departamento de Actividades organiza o I Concurso de Encaixe Palillart a celebrar este venres 26, e no que pode participar todo a alumnado do centro que o desexe. Haberá duas modalidades:

- Palillada
- Deseño sobre cuadrícula.

Todos os participantes terán o seu agasallo e, ademais, haberá varios premios en cada modalidade e dous premios especiais. Podedes ver as bases aquí e apuntarvos recollendo o talón de inscrición na secretaría. A palillar!!

ENTREGA de PREMIOS

Fai un par de días fixemos a entrega dos premios do Samáin/Halloween deste curso. Gustounos moito entregalos porque houbo unha boa participación e un nivel bastante alto.

Xa podedes ver, polas caras que se ven nas fotos, que os gañadores tamén estaban bastante contentos. Noraboa a todos/as!

Entrega Premios Samaín 09 on PhotoPeach

MEDO ME DEU!

Que medo pasei este venres, na biblio, durante a entrega de premios dos micro-relatos e de ilustración!!

Menos mal que logo entregamos os premios do concurso de cabazas e xa a cousa foi algo máis tranquila.

A verdade é que temos que felicitar ao alumnado de 1º ciclo, que tivo unha moi boa participación, en cantidade e, sobre todo, en calidade. Tanto foi así que o xurado tivo auténticos problemas para decidir a cal outorgarlle o premio. Finalmente, e dada a case nula participación do alumnado de 2º ciclo, (para desesperación do bibliotecario) decidiron repartir dous premios, en lugar dun, tanto para os contos en castelán como en galego.

Esperemos que os que tan ben o veñen facendo neste curso continúen así en anos sucesivos.

Os traballos premiados podedes velos no Recanto Literario, e unha mostra das cabazas e pantasmas, neste vídeo. En Pedras do Vilán podedes ver unha entrevista coas gañadoras do concurso de cabazas. (As fotos na biblio, para quen queira copialas)

De Películas

CHEGAN OS PREMIOS

Hoxe no recreo fixemos entrega dos premios do Sabías que...? deste ano que, aínda que algún non o crea, incluían libros! Tivemos que andar a cazar aos 'afortunados' que, con tantas calores, andaban perdidos polo patio adiante. Tampouco foi fácil facerlles as fotos, que xa se sabe que: ai, non profe, a min non!! pero en fin, aquí tedes unha mostra do que pasou:

SABÍAS QUE...?

Sabiades que xa rematou Sabías que...? Foron catro semanas de intenso traballo e busca de información..., pero eu estou convencido de que en realidade pásase ben fedellando pola biblio adiante e buscando información por todas partes.

Aquí tedes a foto dos gañadores, co diploma que os acredita como tales. Foi tan reñido que gañaron por só 1,5 puntos, porque o segundo equipo andáballe moi cerca!

Tanto uns coma outros terán o seu premio e, ademais, hai outros catro participantes que tamén terán premio por sorteo. Isto éche unha festa!!

LINGUA DE AMOR
Envíanos Fran, antigo alumno do centro, unha nota sobre unha canción que presentou a este concurso. Parécenos estupendo que os nosos 'ex' teñan estas iniciativas, e sempre estamos a favor da música! Reproducimos aquí a nota de Fran: facédelle caso!
Hola!!!
mándovos este mail para pedirvos un gran favor. Resulta que presentei unha canción ó concurso "lingua de amor", xunto con outra compañeira do insti. Para seleccionar os gañadores faráse unha primeira votación popular, e logo as máis votadas serán valoradas por un xurado de "entendidos"
Para votar pola canción só tedes que rexistrárvos na páxina picando aquí.

Unha ves rexistrados, aparecerávos un menú, que ten na marxe esquerda unha apartado que di "votacións". Selecionades o apartado de Audio/video, e xa podedes votar. A canción chámase "Co corazón no Solpor"

Espero que vos guste, e de ser así, que votedes por ela.
Grazas
frank.

SABÍAS QUE...?

Xa arrancamos co Sabías que...? e, coma sempre, da gusto ver á xente botando fume polas orellas en busca da solución ás preguntas... É que os bibliotecarios sómosche 'moi malos malismos'.
Tamén tedes que saber que, igual que o curso pasado, tedes os cuestionarios na columna lateral do blog, picando no nome do concurso, por se queredes repasalas.
E de paso, un aviso, sobre todo para os de 3º: xa miráchedes en Pedras do Vilán??

SABÍAS QUE...?
Sabías que durante esta semana tes tempo de apuntarte a sabías que...?
Pois xa sabes, busca tres compañeiros/as e apuntádevos durante os recreos na biblio.
Tedes as bases nas aulas e nos taboleiros, onde tamén están as papeletas de inscrición.
A que soa terrible: catro semanas de preguntas, pistas e apostas, traballo extra (menos mal que hai poucos exames), buscando nos libros, nas enciclopedias e nos mapas, preguntándolle a San Google, aos avós e ata ao can se fai falla!!!
Tremendo.. a que esperas para apuntarte??

Noraboa Teenagers!!

Felicitacións para todos os participantes e participantas no mural de azulexo do curso pasado (grazas á santa pacencia de Javier Brey) que aparecen na edición internacional da revista Azulejo Internacional!

Podedes ver máis detalles en Pedras do Vilán!

Rematamos por este curso o "Sabías que...?". Foi bonito mentres durou!!

Persoalmente podo dicir que foi un pracer ver como moitos e moitas se "rompían a cabeza" buscando as solucións ás preguntas, apostas e pistas.

A xente traballou ben, como o equipo da foto, que acabou sendo o gañador, seguido moi de cerca polas segundas clasificadas. E coidado cos de 1º que quedaron terceiros a tan só 2 puntos do equipo subcampión.

O ambiente foi tan bo que a organización decidiu (só por este ano) duplicar os premios á participación, que de catro pasaron a oito.

Parece que os afortunados disfrutan do seu merecido premio!!

BubbleShare: Share photos - Powered by BubbleShare

Arrancamos!!

Xa comenzamos o "Sabías que...?" deste curso. Durante as seguintes catro semanas tentaremos de 'loquear' aos tolos e tolas (benditos tolos e tolas) que se apuntaron coas preguntas e cos xogos semanais. Recordade que co preguntón teredes un punto por cada resposta correcta e, ademáis, podedes conseguir puntos extra coa "Aposta Semanal" e con "as 5 pistas".

Este curso podedes consultar os cuestionarios nesta páxina, e tedes un enlace permanente na columna lateral do blog.

SORTE !!

Sabías que... xa está a pique de arrancar o Sabías ...que? deste ano?

Pois xa sabes, se non o sabías agora xa o sabes!
E a saber: o prazo de inscrición xa está aberto e remata o próximo venres día 25!

Anímate!

Xunta a tres tolos máis coma ti e apúntate!

Podes ver as bases completas no taboleiro da biblioteca.

O SAMAÍN

O día 31, na hora do recreo, xuntámonos uns poucos na biblioteca para coñecer os resultados do concurso de cabazas (poucas pero moi boas, polo que foi moi difícil para o xurado escoller as 3 mellores) e do certame de microrrelatos de terror. ¡Que medo! Houbo un pouco de barullo e ante a presión dos rapaces e rapazas, os fallos do micrófono,..., ata houbo algún enfado, pero ao final todo rematou ben coa entrega dos vales e dos vídeoxogos e, como non, coa lectura dos textos gañadores no certame. Dos alumnos e alumnas do 2º ciclo non apareceu ningún, só Jonatan que recolleu o seu merecido premio. Os estupendos decorados foron realizados nas clases de plástica. Podedes ver as fotos picando na lápida. Os textos, con algunha sorpresa, podes leelos no Recanto Literario.

Un mural en Cee
Un apuntiño para que sepades que xa está rematado o concurso de murais de Cee. Podedes ver como quedou a cousa na sección "Outras actividades"

Sabías que...?

Xa temos rematado o 5º concurso "Sabías que...?" e celebramos hoxe a entrega de premios. Coma outras veces, houbo 4 premios por sorteo para os que acadaran a metade dos puntos en xogo de cada semana, outros 4 premios seguros para os segundos clasificados e o gran premio para o equipo gañador... ou deberamos dicir "equipa gañadora"?? Porque é a primeira vez que un equipo totalmente feminino gaña o concurso. Demostraron ao longo de todo o concurso unha grande regularidade na puntuación, tanto no preguntón como nas apostas ou nas pistas. Noraboa, rapazas!!

Ah! e se queres ver fotos preme na foto!