CONVERSAS NA BIBLIO

Xa sabiamos que os alumnos/as do Club de Lectura deste centro non andaban moi ben da cabeza (A quen se lle ocorre andar a ler libros!??) pero é que ultimamente xa empeza a cousa a ser preocupante: dáselles por afirmar que os libros falan entre eles cando non os vemos, e que incluso están preocupados pola forma de actuar dos lectores. Eu non cría nada disto, pero eles din que deixaron unha cámara oculta e que gravaron o que aquí vedes. Cada un que saque as súas conclusións:

A IGUALDADE: MISSIÓN POSIBLE

Está convocado o concurso de curtas realizadas co móbil, ou coa cámara de fotos, sobre o tema da igualdade, seguindo o slogan gañador do concurso do ano pasado: A igualdade, missión posible! Colabora con nós, para sacar adiante a iniciativa e premiar aos gañadores, a Concellalía da Área de Igualdade do Concello. Haberá dous premios, un do Xurado e outro por votación popular. En canto teñamos os vídeos preparados (un pouco de paciencia) colgarémolos neste blog para que poidades votar polo que máis vos guste. Podedes consultar as bases aquí. E recordade, a igualdade conséguese día a día, entre tod@s.

NON ME PODO RESISTIR

Chéganos, a través do blog amigo Trafegando Ronseis , a noticia de que hai pouco que atoparon, rebuscando entre os cascallos dos estudos de gravación Abbey Road, unha sesión dos ensaios de "Get Back", unha das últimas cancións dos Beatles. A gravación é do ano 69, cando vós non estabades nin en proxecto e ao grupo quedábanlle días contados. Aparecen, ademais de Yoko, Billy Preston ás teclas e Mick Jagger mirando a sesión (aprendendo?). Pouco despois farían o mítico concerto no tellado dos estudos, antes de desfacer o grupo. Se tedes curiosidade por velos tocando este tema nos tellados picade aquí

.

DEZ ANOS DE INSTITUTO

Unha vez acabado o curso e en plenas vacacións pode non ser mal momento para colgar aquí o vídeo recordatorio dos dez anos de vida que xa levamos no noso instituto. Quixemos colgalo antes pero había problemas 'técnicos' (polos casi 2o minutos que dura) e pouco tempo para arranxalos. Agora que hai tempo xa poidemos solucionalo.

Dende a súa inauguración, a biblioteca tomou o papel de 'memoria gráfica e visual' do centro, e dese traballo queda constancia neste vídeo. 10 anos son difíciles de encaixar en 20 minutos e seguro que quedaron cousas sen poñer e seguro tamén que non aparece xente, e momentos, que deberían estar; para eles o noso recordo.

FELIZ ANIVERSARIO!

10 anos no IES Pedra da Aguia from Libraco on Vimeo.

CINE PARA FALAR
Hoxe era o día do audiovisual! Pola tarde tivemos unha sesión de cine para nais/pais e fillos. Tedes máis información no blog de Club de Lectura Arao, que non é exactamente o mesmo, pero ten moito que ver.

PEDRAGUIWOOD 2
"El reeetolllno"
Hoxe 'retolnamos' a traballar no audiovisual cos de 1º. Seguro que de agora en diante entenden mellor como se fai iso da TV e, como dicían Jairo e Elena, pensarán nos eléctricos, nos microfonistas, nos técnicos de son e vídeo, nos equipos de VTR, nos maquilladores...
Os monitolres prometeron que cando o teñan preparado nos mandarán o DVD co 'informativo' que gravamos hoxe e que seguro que todos queren ver. A min non me preocupa tanto o que saia no disco; impórtame máis todo o que había arredor da gravación e o que aprendemos facéndoo. Eramos un equipo de 25 persoas e todas tiveron o seu papel, todas cumpriron e o programa saíu adiante. E, ademais, polo que dicía Jairo ao remate, funcionou mellor que noutros sitios. Ben por nós!!
Aquí tedes outras poucas fotos de mostra mentres esperamos polo vídeo. Ah, por certo, pasade o rato por riba das fotos!

Adicado ás chicas TIC

Especialmente para elas, pero pensando en todos/as nós/nás. Para que vexades que as dificultades coa tecnoloxía punta non son unha novidade na nosa época. Se non coñecedes o vídeo pulsade na foto e veredes como o que digo é verdade da boa.

Que poña unha raia quen se sinta identificado (perdón: /a) que seguro que enchemos a folla!

O AUDIOVISUAL NO INSTI

Este ano seguimos coa programación da actividade "O audiovisual nas aulas", que vén coordinando a biblioteca dende o curso pasado e que está promocionada polo Consorcio Audiovisual de Galicia.

Este ano inícianse no tema, dun xeito xeral, os de 1º nivel e os de 2º asisten a unhas xornadas de iniciación á animación, e parece que están animados vistos os traballos que realizaron hoxe, dirixidos por Virginia e Tomás, de "Algarabía animación". Cando teñamos o traballo definitivo, xunto cos realizados polos outros Instis, xa faremos un pase público para que todos poidades velo. Mentres tanto tedes que conformarvos con ver algunhas fotos.

¿Algún futuro director de cine entre o público?