XA ESTAMOS "ENREDADOS"!!

Comeza o novo curso e xa estamos todos "enredados" cos estudos, cos libros, as libretas, os traballos...

Na foto podedes ver que no Insti tiñamos todo preparado, con rede incluída, para cando fósedes chegando e que ninguén escapara.

Afortunadamente non houbo que usar o artiluxio, porque todo o mundo estaba no seu sitio cando debía. E a cousa non debeu resultar tan mal, porque se podian ver bastantes sorrisos nas caras. E se non me cres podes comprobalo ti mesmo picando aqui! E, por suposto, dende a nosa/vosa bibliteca queremos 'berrar':

BENVIDOS A TODOS E TODAS!!

FELIZ CURSO E MELLORES NOTAS!!

Vémonos en breve

REMATAMOS!!

Chegou fin de curso e chegou a hora de pechar a biblioteca. Todos esperamos as vacacións con ilusión, pero seguro que temos tamén un pouco de pena por pechar a nosa biblio: pasamos alí bos momentos e houbo un pouco de todo.

Claro que unha biblio nunca se pecha realmente, en canto teñades nas mans algo escrito, sexa libro, revista ou páxina web, quere decir que levades a biblioteca con vós!

En calquera caso xa sabemos que dentro dun tempiño estaremos alí outra vez e, aínda que protestemos ao comenzo, seguro que tamén teremos bos momentos.

E seguro tamén que teredes noticias do que vaia sucedendo a través deste blog e as vosas opinións e suxestións aparecerán tamén publicadas. Así que ata a próxima, e non vos esquenzades de ler algo nas vacacións. Seguro que hai por ahí algún libro que te engancha, só tes que atopalo!

Ah sí! como despedida quedan un par de cousiñas máis na sección de "Outras Actividades"

Os ladridos do "Can"
Outro apunte para que saibades que xa se realizou a gravación de "azul e verde ennegrecidos" e que podedes saber máis sobre este tema en "outras actividades".

Un mural en Cee
Un apuntiño para que sepades que xa está rematado o concurso de murais de Cee. Podedes ver como quedou a cousa na sección "Outras actividades"

A Festa de Voz Natura
Só un pequeno apunte para que saibades que no apartado de outras actividades tedes unha entrada adicada ao día da festa de Voz Natura. Picade no enlace que hai na columna da dereita e chegaredes axiña!