SALVADOS

Xa víchedes que estamos esta tempada salvando libros por todas partes. Agora acabo de enterarme de que o autor dos cartaces que usamos como 'salvalibros', cos debuxos feitos a base de letras, son obra de... recordades a Alicia, aquela profe de francés que estivo no insti fai un par de anos? Pois o autor é o seu irmán, Jaime.

Alicia mándanos recordos, que di que os ten moi agradables de cando estivo entre nós. Mandámoslle nós tamén un saúdo e un agradecemento polo traballo dos eu irmán, que fixo de xeito totalmente desinteresado e que xa fixera, tamén, os cartaces do curso pasado, aqueles de "Para que les?" Recordades?

Vale, pois aquí tedes os libros salvados por cada centro dos que participamos na movida. Aquí tedes os que salvamos nós e os dos centros de Secundaria:

Open publication - Free publishing - More biblioteca

Open publication - Free publishing - More carteles

LOIS PEREIRO

Os compañeiros da biblioteca Escolar SATURNINO HERMIDA do IES CONCEPCIÓN ARENAL de Ferrol realiozaron este traballo fantástico sobre Lois Pereiro, o autor homenaxeado esten ano no Días das Letras Galegas. Reproducímolo aquí enteiro, con agradecemento.

dixo Manolo Rivas, na obra de Lois Pereiro, máis que na de ningún outro poeta galego,o amor e a morte, Eros e Thánatos, van da man.
Poesía dunha intensidade poco común, é facil lembrar moitos dos versos de Lois, quedan impresos na memoria porque son versos de francotirador,van directos ao corazón e penetran nel, pola verdade do sentimento que transmiten, pola forza e expresividade das súas imaxes.
Un poeta fondo, emocionante, para lelo devagar e revisitalo a miúdo.
E para coñecelo mellor, podedes ver o traballo feito por Elvira Roiz, aconsellada por Inés.

LoisPereiro1_Intro

View more presentations or Upload your own.

LoisPereiro2_Monforte

View more presentations or Upload your own.

LoisPereiro3_Madrid

View more presentations or Upload your own.

LoisPereiro4_Coru1

View more presentations or Upload your own.

LoisPereiro5_Coru2

View more presentations or Upload your own.

SALVANDO LIBROS

Que libro salvarías ti?

Esta exposición xorde dun traballo colaborativo entre 96 bibliotecas escolares galegas e pretende ser unha chamada de atención sobre a importancia de apreciar, coidar e manter o noso patrimonio cultural escrito.

Pretendemos difundir a idea de que é imposible destruír os libros e os valores que neles se transmiten se somos quen de conseguir que formen parte de nós para sempre.

Maio 2011

Queremos dar moi especialmente as grazas a Jaime Eizaguirre Santillán, ex-alumno do IES Sánchez Cantón, que unha vez máis deseñou estes carteis tan fermosos para facer posible a actividade.

Podedes ver o perfil de Jaime, arquitecto e debuxante, aquí

e algunhas das interesantes cousas que fai aqui

e tamén aquí….

Grazas de novo, Jaime, pola túa xenerosidade

.

.

Moitísimos libros están a ser salvados nas nosas bibliotecas, que organizan as súas propias exposicións e actos.

Esta é só unha pequena escolma dos que representan a cada un dos centros que participaron na actividade.

Salvar un libro consiste en aprender de memoria un pequeno fragmento para simbolizar a asimilación de todo o seu contido. Entón xa seremos unha persoa-libro e poderemos preservalo para sempre.

A idea está baseada na obra de Ray Bradbury “Fahrenheit 451”.

ESTA ACTIVIDADE FOI COORDINADA DESDE AS BIBLIOTECAS ESCOLARES:

IES LUIS SEOANE DE PONTEVEDRA

ESCOLA UNITARIA DE VIDE

e o IES SÁNCHEZ CANTÓN de Pontevedra (autores desta entrada)

XA SABEMOS QUE!!!

Xa rematamos o Sabías que...? deste curso e, logo dunhas emocionantes xornadas, onde os nervios tiveron moito que dicir, xa sabemos quen son os gañadores do concurso.
Os finalistas foron tres equipos bastante ben repartidos, porque había neles xente de case todos os niveis, de 1º a 4º, e só faltaba alguén de 3º. Finalmente, nunca mellor dito, alcanzaron o gran premio os de 4º, en segundo lugar un equipo de 2º e en terceiro lugar un equipo mesturado de 1º e 2º. Penso que non estivo nada mal e seguro que o ano que ven aínda será mellor.
Noraboa aos finalistas e moitas grazas a todos os participantes, aos que chegaron máis arriba e aos que quedaron nas primeiras roldas. E ánimo, que haberá máis cursos e mais Sabias que? e agora xa tedes experiencia!
Ah, e para ver o vídeo con música picade aquí!

O VÍDEO DOS ENCONTROS

Chéganos desde a Asesoría de Bibliotecas este vídeo que pode dar, de xeito moi condensado, unha imaxe do que son os Encontros das Bibliotecas Escolares Galegas. Paga a pena, penso eu, que todos podades botar un ollo e ver un pouco do que alí pasa: unha morea de 'tolos' convencidos de as Bibliotecas Escolares teñen unha función moi importante que cumprir. E iso que os que vedes somos 'só' os inscritos no Plan de Mellora; nas xornadas abertas a todas as biblios o número de xente duplícase!
Repito aquí, como dixen noutro post, que foi unha honra expoñer neste foro, a nosa experiencia de actividades en común coas familias do alumnado.

Vídeo resumen dos Encontros do Plan de mellora de bibliotecas escolares 2010/2011, celebrados en Santiago de Compostela, os días 7 e 8 de abril de 2011. Asistiron responsables ou integrantes dos equipos de biblioteca dos 374 centros integrados no Plan de mellora de bibliotecas escolares no curso 10/11.