MIGUEL DELIBES, ATA SEMPRE

Quedan as letras tristes coa ausencia de Miguel Delibes. Quedan tristes, ademais, porque marchou un home de pobo, que sempre preferiu vivir no mundo rural, que tan ben reflectiu nas súas obras. Un home dos de 'patear monte', que non destrozar. Dicía de si mesmo que era un "hombre sencillo, un cazador que escribía", un amante da natureza. Delibes é inseparable da súa 'Castilla' e dos seus campos, amigo da xente que traballa e vive neles.
Perdemos a un dos grandes, dos que mellor manexaba o Castelán, a un gran creador de personaxes inesquecibles, como Daniel el mochuelo (El camino), Azarías, Paco el Bajo (Los santos inocentes), Cipriano Salcedo (El hereje)...

Podedes saber máis sobre el neste especial do diario "El País ". Tamén tedes unha despedida dos seus "fillos " literarios, (que nos envían do IES de Sampaio).Lede algo na súa memoria!

UNHA SIMPLE PORTADA

A través do blog "Trafegando Ronseis" chéganos esta curiosidade sobre a creación da capa dun libro. Unha curiosidade máis para os que disfrutamos cando temos un nas mans e, tamén, unha demostración de que as cousas non saen ben así coma así: hai que 'pelexarse' con elas, correxir, re-mirar, refacer, retocar...

A próxima vez que miredes un libro pensade cal será a cantidade de traballo que hai detrás, desde que o escritor ten unha idea e empeza a preparalo e escribilo ata que chega ás nosas mans.

Boas lecturas!

THINK B4 U POST
Pensa antes de colgar

Chéganos desde a biblio do IES de Poio unha información que descoñeciamos sobre un tema que sempre tiñamos na cabeza: o uso seguro e correcto de internet, especialmente do que 'colgades', ás veces sen pensalo moito. Hai que ser conscientes de que cando colgamos algo xa non hai forma de paralo e pode convertirse xusto no contrario do que queriamos; ou atoparnos con que alguén sabe algo de nós que non queriamos que soubese... Hai unhas normas mínimas a seguir antes de colgar algo, seguindo a nosa creatividade e evitando ferir a outros:

-Configurar adecuadamente as opcións de privacidade na rede (Tuenti, Facebook...)

-Facer unha selección de contacto e amigos.

-Pensar nas consecuencias antes de subir unha foto, vídeo, comentario...

-Solicitar permiso das persoas que aparecen nas imaxes ou vídeos.

Sabiades que hai empresas que se dedican a buscar datos na rede sobre unha persoa antes de contratala? As fotos das bromas dun botellón, por exemplo, non soen ser boa publicidade para conseguir un emprego!

Atoparás unha páxina interesante sobre o tema aquí.

MISIÓN POSIBLE!

Aquí tedes aos orgullosos gañadores e ás orgullosas gañadoras (que non me digan elas que non falo en feminino) do concurso sobre igualdade, lucindo a camiseta co seu slogan gañador. Véselles no sorriso contentos co seu merecido premio.

E dito esto, ímonos meter un pouco con eles/as:

que fan tantos homes en primeira liña e tantas mulleres na última? Son eles que queren estar diante?? Son elas que pensan que o seu sitio é máis atrás??? Houbo tiros por conseguir as prazas de diante???? Hai competencia por conseguir a pose máis "sexy"????? ehh, ehhh????

cenicinta

DÍA DA MULLER (II)

Seguimos a 8 de marzo e seguimos celebrando o día da muller (traballadora ou non, porque todas son traballadoras, dun xeito ou outro). Unha forma de celebralo foi a reunión de nais/pais esta tarde na biblio, sobre o tema da igualdade (que gusta dá ver a biblio chea de nais e pais e outras xentes), outra foi a entrega de premios aos slogans pola igualdade (felicidades 1ºB: igualdade: mision posible)e outra, por exemplo, a exposición de materiais que tedes no corredor. A ver se facemos realmente posible que cando vós sexades adultas/os, o chiste de hoxe de Forges xa non se entenda, porque daquela ninguén poida pensar que os 'xefazos' lles paguen diferente a homes e mulleres que fan o mesmo traballo. Seremos capaces?? Seredes capaces??