Correlingua 2008

Como cada ano por estas datas o insti participa no Correlingua que se celebra na Coruña. Enchimos dous autobuses ata os topes e alá fumos. Unha marea azul, coas camisetas que regalaba a organización.

Tamén como sempre, houbo ex-alumnos que se acercaron por alí a saúdar a profes e amigos. Algúns pasaron prácticamente a xornada enteira con nós. É un gustazo ver como os 'ex' seguen a acordarse do seu paso polo instituto... por moito que protesten mentres son alumnos!

Pode que moitos dos asistentes non lle den importancia neste momento, pero seguro que outros son xa conscientes de que a nosa lingua ten un perigo real de desaparecer se non a mimamos nós un pouco. Como di a pancarta, o Galego ten a súa maxia!

Correlingua 08

Arrancamos!!

Xa comenzamos o "Sabías que...?" deste curso. Durante as seguintes catro semanas tentaremos de 'loquear' aos tolos e tolas (benditos tolos e tolas) que se apuntaron coas preguntas e cos xogos semanais. Recordade que co preguntón teredes un punto por cada resposta correcta e, ademáis, podedes conseguir puntos extra coa "Aposta Semanal" e con "as 5 pistas".

Este curso podedes consultar os cuestionarios nesta páxina, e tedes un enlace permanente na columna lateral do blog.

SORTE !!

Un día do libro... teatral !

Estos si que lle botan teatro á cousa. O grupo do teatro do Instituto "Éche o que hai" puxo onte en escena "Obras son amores e non boas razóns". E fíxoo por duplicado, en dúas sesión sen case descanso, unha para cada ciclo.

Por fin, as horas de traballo, os ensaios dos venres comendo no insti, e a pacencia de Silvia, tiveron recompensa. Prometeron que en breve voltarán ao escenario para representar outra obra.

Non foi mal xeito de celebrar o día do libro, que complementamos coa edición dunha guía de lectura. E como non todo son libros, hoxe mesmo, as 6, o club de lectura Arao-adultos veremos unha película relacionada co último libro que lemos. Seguro que repetiremos.

Sabías que... xa está a pique de arrancar o Sabías ...que? deste ano?

Pois xa sabes, se non o sabías agora xa o sabes!
E a saber: o prazo de inscrición xa está aberto e remata o próximo venres día 25!

Anímate!

Xunta a tres tolos máis coma ti e apúntate!

Podes ver as bases completas no taboleiro da biblioteca.

Encontros do Plan de Mellora de Bibliotecas Escolares (PLAMBE)
Este ano a nosa/vosa biblioteca, como moitos xa sabedes, e esperemos que tamén se note, está incluida no que se denomina Plambe, o Plan de Mellora das Bibliotecas Escolares.
Estes días 3 e 4 (que tanto me botáchedes en falta) celebrouse un encontro de todas as bibliotecas acollidas a este plan. Alí poidemos escoitar, e aprender, dunha serie de persoas que saben moitísimo desto das bibliotecas escolares e da lectura (ou da non lectura, que de todo hai). Dá gusto ver a tanta xente, case 160, con tantas gañas e ilusión polo traballo nas bibliotecas e polos seus usuarios, vós!
Cando tes as baterías a media carga cousas coma esta recargan enerxía. Dende aquí unha felicitación ás organizadoras, Cristina e Pilar, aos ponentes e a nós mesmos, os asistentes, polo intercambio de ideas e os traballos compartidos. Ata a proxima!

Para estudar ben

Xa que na entrada anterior falamos da formación de usuarios de biblioteca que andaban a facer os de 2º, non está mal recomendar esta web (que nos chega desde a Asesoría de Biblitecas Escolares), que nos dá moitas pistas sobre como sacarlle rendemento ao tempo que lle adicamos ao estudo.

Tedes un enlace permanente no apartado de Recursos que está na columna da dereita deste mesmo blog.

Facédelle unha visita e veredes como lle sacades proveito!

Un seg, dous segun,
tres segundos

Andan os de 2º a rematar estes días o seu traballo na biblioteca. Durante a segunda avaliación andiveron por alí perdidos, vendo a forma (e formas) de atopar información e que facer con ela cando un dos profes lles manda facer un traballo. Logo de recordar o aprendido o curso anterior (sobre a organización da biblioteca e como atopar o que necesitan), andiveron remexendo nas enciclopedias, nos libros, nos atlas... e tamén lle botaron unhas súplicas a 'san Google', que din eles que fai milagres.

Se queredes velos en plena acción non tedes máis que picar na imaxe.

AS MOCHILAS VIAXEIRAS

Co comezo das vacacións comezaron tamén as andanzas dunhas mochilas, viaxeiras, que teñen o estraño gusto de ir de casa en casa, levando no seu interior unhas mostras dos materiais que a biblioteca pode ofrecer ao alumnado e ás súas familias.
Trátase de favorecer a lectura entre o alumnado e nas familias do alumnado. Queremos favorecer os hábitos de lectura e intentar que todos disfruten deste pracer e tamén, por que non, do pracer de falar do lido e do visto. Queremos que pais e fillos poidan intercambiar os pareceres, as opinións, as ideas e os sentimentos que estas lecturas poidan producir. Non podemos, nin queremos, esquecer que gran parte da nosa futura personalidade moldéase dependendo das lecturas que fagamos.

Doutra banda, as mochilas viaxeiras son unha forma de facer visible a biblioteca fóra do instituto e de animar ás familias a usar os seus servicios.

Boa viaxe!!