2.4.20

A corentena pode ser unha oportunidade cultural

A pandemia que estamos a sufrir acarrexa unha vaga de solidariedade que vai alén dos recursos materiais. Durante a corentena, temos o reto de encontrarnos con nós mesmas e manexar un tempo do que non dispomos en situación normal. Talvez cando todo isto pase, sobre o tempo e sobre a vida, teñamos unha visión diferente. Sería unha grande aprendizaxe... Entre tanto, reunimos aquí varias propostas culturais altruistas para enriquecer a nosa mirada.

Vai de museos! Dez museos a só un click: tour virtual e coleccións online.

1. Pinacoteca di Brera - Milano https://pinacotecabrera.org/

2. Galleria degli Uffizi - Firenze https://www.uffizi.it/mostre-virtuali


4. Museo Archeologico - Atene https://www.namuseum.gr/en/collections/



7. British Museum - Londra https://www.britishmuseum.org/collection

8. Metropolitan Museum - New York https://artsandculture.google.com/explore

9. Hermitage - San Pietroburgo https://bit.ly/3cJHdnj

10. National Gallery of art - Washington https://www.nga.gov/index.html

Se a oportunidade da ópera nunca se cruzou no teu camiño, 
aquí tes varias propostas para experimentar desde o sofá:


A programación desta semana pinta moi ben!!

- Luns: Carmen
- Martes: La Boheme
- Mércores: Il Trovatore
- Xoves: La Traviata
- Venres: La Fille du Regiment
- Sábado: Lucia di Lammermoor
- Domingo: Eugène Onegin













































































































































Queda en casa... e segue a ler, agora en dixital!



Certo é que a corentena tenos cambiado moito a vida nos últimos días e que temos que ir afacéndonos a novas rotinas pouco a pouco... Mais ninguén dixo que acompañar este proceso de boas lecturas ou filmes non fose posible. Velaquí o servizo de GalizaLe en aberto para todos os usuarios e usarias da rede pública de bibliotecas. Se eras socia, é só usar o teu código de acceso... e comezar a gozar dos fondos dixitais.

22.3.20



Fallece la profesora Auri Guerrero Adeus Auri, compañeira

Deixáchenos coa chegada da primavera e entrando a celebración do día da poesía, curiosas coincidencias. Amante da natureza. O teu xardín, coidado con esmero, sempre foi a miña envexa. Colaboradora incansable da biblioteca e promotora de iniciativas sen fin. Sei que seguirás entre os libros que tan coidadosamente forraches, entre a selección de títulos que considerabas que non podían faltar, co teu empeño constante porque a Lingua Galega tivese o papel relevante que lle correspondía na biblioteca do noso instituto. Si, e digo o noso, porque fuches capaz, en tempo récord, de que comezase a funcionar. O mesmo abrindo caixas, colocando mesas ou indo a casa para falar por teléfono (non había móbiles) e no instituto non había máis nada que paredes. Cantas horas dedicadas a que todo funcionase e que os retos se cumprisen!
Déchesme forza e acompañáchesme nesta profesión, marabillosa profesión! e xuntas defendemos a nosa lingua, aínda que nos primeiros tempos tróuxonos máis dalgún desgusto.


Foi unha sorte inmensa contar contigo neste camiño de vida persoal e pedagóxica. Sempre estarás entre nós.

Silvia

7.3.20

Semana dos afectos!


Para celebrar a Semana dos afectos, do 10 ao 14 de febreiro, e en relación co Plan Proxecta Por 365 días de respecto e iguadade, o alumnado de 2º de ESO traballou na elaboración dunha serie de cartas. A actividade implicou, ademais da Biblioteca, todos os departamentos de linguas, porque en cada idioma tratouse un tipo de afecto. En galego escribiron unha carta de amor propio; en castelán, unha de afecto a unha persoa da súa familia; en inglés, a unha amizade; e en francés, a unha posible parella ideal.
Como parte final da actividade organizamos unha exposición cunha selección de cartas, de xeito que toda a comunidade educativa puidese apreciar o traballo realizado polo alumnado de segundo.

2.3.20

Este Entroido 2020 celebramos a diversidade!

E chegou o Entroido! A festa onde todas as apariencias son posibles, os doces teñen forma de orellas, flores e filloas e, a música e o humor o invaden todo. O noso instituto non queda á marxe desta celebración tradicional e o pasado venres, 21 foi o día grande logo de tres semanas de preparativos. Pasalo ben e convivir ao longo dunha xornada atípica non era o único obxectivo. O noso propósito foi usar o Entroido como un pequeniño proxecto interdisciplinar impulsado desde as titorías do centro e coordinado desde a Biblioteca Escolar.
O noso tema foi a macedonia… e non foi escollido de xeito casual. Quixemos usar esta ensalada de froitas como pretexto para falarmos da diversidade e da inclusión, temas de varios programas educativos que se están a desenvolver neste curso e nos que participa a Biblioteca Escolar. Semana a semana o alumnado procurou información sobre a froita que lle tocou á súa titoría, deseñarou o seu disfraz, elaborou unha pancarta explicativa con informacións de distintas áreas (Bioloxía, Xeografía, Historia, Linguas…) e montou a súa actuación que consistiu en coreografías, monólogos, cancións ou relatos teatralizados. A colaboración dos departamentos de Música, Ed. Física, e por suposto, dos titores e titoras, foi fundamental. O resultado foi unha explosión de colorido ao longo da mañá, que culminou este proceso de case un mes de traballo, onde procuramos facer valer a mensaxe de que a diversidade fai que a mistura sexa máis saborosa!


E para ver o produto final que resultou no vistoso festival de Entroido, preme AQUÍ.