24.4.10

AGABEL. 10º ANIVERSARIO
Agabel é a Asociación Galega polas Bibliotecas Escolares e a Lectura, e está de cumpreanos! Desde este blog queremos felicitala. Ademais, é felicitarnos un pouco todos nós.
Sabemos que hai xente, persoas e grupos, con facilidade para darse 'autopublicidade' das cousas que fai (non é o noso caso, evidentemente) e hai xente que está pola labor do traballo diario, de ir construindo pouco a pouco e de foma continua. Grazas a este traballo, moitas veces calado, é como se alcanzan logros importantes, que ademais perduran no tempo. As bibliotecas escolares (as que son, que non todas) son o que son en parte grazas a esta asociación, que abreu camiños onde non os había. Os que chegamos máis tarde só podemos agradecelo. Feliz Cumpreanos!

23.4.10

O LIBRO DO LIBRO
Xa sabiades que para celebrar o día do libro andabamos a fabricar o libro XXL coas respostas a: Para que les? Pois ben, xa temos moitas respostas da xente do insti, de alumnos, profes, persoal non docente, nais e membros dos clubs de lectura. Con todo elo estamos a facer o libro, coa axuda de Javier, o profe de Plástica. Non damos rematado porque seguen a chegarnos respostas.
A verdade é que o libro está quedando realmente ben e non queda máis que agradecer a todos os que colaborástedes na súa execución. Cando o teñamos completo intentaremos colgalo aquí en imaxes pra que todos o poidades disfrutar. Aquí quedan algunhas das imaxes que usamos.
Bo día do libro a todos/as. A LER!

Día do libro 2010 on PhotoPeach

21.4.10

PARA QUE LES?
Esta pregunta fixémoslla a unha chea de persoas. Para celebrar o día do libro fomos xuntando, a través das Biblios Escolares de Galicia, as respostas da xente máis variada, de xente da TV a escritores, deportistas... Tamén nos fixemos a pregunta entre nós, á xente do propio Instituto. Xa hai varios alumnos e alumnas que contestaron, e algúns profes tamén.
Tedes as respostas no libro, tamaño XXL, que está cerca da entrada da biblio, e que aínda irá medrando coas novas respostas de máis xente que se anime a participar.
Xa pensaches para que les ti?

20.4.10

PROXECTO ANOCA
Tivemos hoxe no Insituto unha visita moi interesante e ben recibida polo alumnado de 4º asistente á mesma. Logo de conectar a través das respectivas bibliotecas, viñeron a estar con nós catro membros do proxecto ANOCA (Aprender NO rcere): o director da escola e do proxecto, José Antonio, un dos profesores, Suso, e dous reclusos, Sergio e Estela Maris. Contáronnos como é o seu proxecto e, sobre todo, o seu día a día na cadea e o que supón para eles o asistir ás clases, e responderon con admirable franqueza a canto se lles preguntou. Tamén nos dixeron que estaban moi contentos cos alumnos asistentes e coa participación que houbo.
Desde aquí a nosa noraboa polo proxecto, ao profesorado e aos reclusos que asisten ás clases. Está moi claro, para os que sabemos desto, que detrás dun proxecto así hai moito traballo, e que non se fai unicamente porque teñas un xornal a final de mes. E sabemos que os resultados non son casualidade.
De novo Noraboa a todos!
(Podedes deixar os vosos comentarios no seu blog. O agradecerán)

19.4.10

CEOS PECHADOS
Anda medio mundo paralizado estes días debido á erupción dun volcán en Islandia. A nube creada é tan inmensa que se extende por case toda Europa, impedindo aos avións voar polo perigo que supón que a cinza volcánica entre nos motores. As perdas económicas que supón esta paralización son enormes.
Pero podemos aproveitar a ocasión para mirar ao ceo doutra forma. Aquí tedes, condensado en pouco máis de 1 minuto, a actividade aérea dun día. Cada puntiño amarelo é un avión en voo. Mirádeo con atención e fixádevos como vai variando segundo chega a luz do día. Imaxinade canto combustible se gasta e canta contaminación provoca. Podemos entender agora por que cada un de nós ten que contaminar o menos posible?

18.4.10

ENCONTROS DAS BIBLIOTECAS ESCOLARES DE GALICIA
Veñen de celebrarse os econtros anuais de Bibliotecas Escolares de Galicia. Todos os centros incluídos no Plan de Mellora estabamos alí representados para seguir escoitando, debatindo, aprendendo, sobre a función das BEs. Coma sempre, unhas ponencias interesantísimas sobre o futuro da educación e a función das bibliotecas dentro dos centros, facendo fincapé na imparable implantación do dixital na aprendizaxe, e na necesidade de preparar ao noso alumnado, a vós (alumnos hoxe, adultos mañá), para moverse ben nese mundo que xa está aquí.
Unha delicia ver traballos doutras bibliotecas, unha delicia escoitar aos ponentes e un agradecemento enorme ao gran traballo de Cristina e Pilar na Asesoría de Bibliotecas.

Encontros Bibliotecas Escolares on PhotoPeach