Semana dos afectos!

Para celebrar a Semana dos afectos, do 10 ao 14 de febreiro, e en relación co Plan Proxecta Por 365 días de respecto e iguadade, o alumnado de 2º de ESO traballou na elaboración dunha serie de cartas. A actividade implicou, ademais da Biblioteca, todos os departamentos de linguas, porque en cada idioma tratouse un tipo de afecto. En galego escribiron unha carta de amor propio; en castelán, unha de afecto a unha persoa da súa familia; en inglés, a unha amizade; e en francés, a unha posible parella ideal.

Como parte final da actividade organizamos unha exposición cunha selección de cartas, de xeito que toda a comunidade educativa puidese apreciar o traballo realizado polo alumnado de segundo.

Este Entroido 2020 celebramos a diversidade!

E chegou o Entroido! A festa onde todas as apariencias son posibles, os doces teñen forma de orellas, flores e filloas e, a música e o humor o invaden todo. O noso instituto non queda á marxe desta celebración tradicional e o pasado venres, 21 foi o día grande logo de tres semanas de preparativos. Pasalo ben e convivir ao longo dunha xornada atípica non era o único obxectivo. O noso propósito foi usar o Entroido como un pequeniño proxecto interdisciplinar impulsado desde as titorías do centro e coordinado desde a Biblioteca Escolar.

O noso tema foi a macedonia… e non foi escollido de xeito casual. Quixemos usar esta ensalada de froitas como pretexto para falarmos da diversidade e da inclusión, temas de varios programas educativos que se están a desenvolver neste curso e nos que participa a Biblioteca Escolar. Semana a semana o alumnado procurou información sobre a froita que lle tocou á súa titoría, deseñarou o seu disfraz, elaborou unha pancarta explicativa con informacións de distintas áreas (Bioloxía, Xeografía, Historia, Linguas…) e montou a súa actuación que consistiu en coreografías, monólogos, cancións ou relatos teatralizados. A colaboración dos departamentos de Música, Ed. Física, e por suposto, dos titores e titoras, foi fundamental. O resultado foi unha explosión de colorido ao longo da mañá, que culminou este proceso de case un mes de traballo, onde procuramos facer valer a mensaxe de que a diversidade fai que a mistura sexa máis saborosa!

E para ver o produto final que resultou no vistoso festival de Entroido, preme AQUÍ.

Encontro literario: conversa con Fernando Lalana

O pasado mércores 19, máis de 60 alumnos dos Clubs de Lectura do centro gozaron ca visita dun dos seus autores favoritos, o premio nacional de literatura infantil e xuvenil Fernando Lalana.
O escritor contoulles como comezou na literatura, que lle inspira para escribir unha novela, por que se adicou á literatura infantil-xuvenil e non á de adultos e moitas outras anécdotas que fixeron que o tempo transcorrera máis rápido do desexado. Finalmente, asinou una chea de libros, todos cunha dedicatoria diferente.
O centro quere agradecer a visita á editorial Santillana.

Iniciamos a formación de alumnado usuario da biblioteca!

A formación de alumnado usuario é un asunto importante para calquera biblioteca escolar. A nosa non é menos, así que preparamos un material co que facilitar ao noso alumnado de 1º e 2º ESO o uso da biblioteca. Coñecer como se distribúen as seccións de acordo coa CDU, cómo nos poden axudar as etiquetas a localizar os libros que precisamos e a importancia de mantermos a orde en beneficio de todos os usuarios, é do que trata o noso caderno de actividades.

As dúas sesións formativas acabaron cunha xincana con varios itinerarios, onde por equipos, houbo que poñer a proba o aprendido para encontrar ata seis libros no menor tempo posible! O material usado nestas sesións deixámolo dixitalizado, por se for útil a outra biblioteca escolar. ;-)

Unha mostra do proceso pode ser vista AQUÍ.

Formación de usuari@s da Biblioteca Escolar

Leer más publicaciones en Calaméo

Procurando libros na biblioteca! Sesión 2

Leer más publicaciones en Calaméo