XAESTAMOSAQUÍ !!
Xa estamos aquí! Hoxe volvemos a abrir a biblio logo dunha tempada de tela pechada para darlle un lavado de cara... e de pes! Puxémoslle corcho no chan, moito máis agradable e silencioso (?), e tamén levou un bo pintado. Agora está máis alegre (ou eso di ela).

Fixemos unha re-inauguración como é debido, con pasteis e regalos para os que se achegaron por alí, que foron bastantes, porque pastel non quedou ningún! Guías de lectura tampouco quedaron moitas, apenas 10, así que os bibliotecarios estamos contentos e a biblio disque tamén, que botaba en falta á rapazada!

23 de abril - Día do libro
Hoxe celebramos o día do libro e coincidindo con esta data reabrimos a biblioteca que estivera pechada por obras durante algún tempo, a ver que vos parece a "nova biblioteca". Está chea de colorido e queremos que nesta nova andadura sexa algo máis silenciosa e siga sendo igual de dinámica. A próxima semana empezamos co Sabías que...?
Sobre o Día do Libro tes información no taboleiro e picando aquí.

SABÍAS QUE...?
Sabías que durante esta semana tes tempo de apuntarte a sabías que...?
Pois xa sabes, busca tres compañeiros/as e apuntádevos durante os recreos na biblio.
Tedes as bases nas aulas e nos taboleiros, onde tamén están as papeletas de inscrición.
A que soa terrible: catro semanas de preguntas, pistas e apostas, traballo extra (menos mal que hai poucos exames), buscando nos libros, nas enciclopedias e nos mapas, preguntándolle a San Google, aos avós e ata ao can se fai falla!!!
Tremendo.. a que esperas para apuntarte??

ENCONTROS DE BIBLIOTECAS ESCOLARES

Asistín este venres, coma outros anos, aos Encontros do Plan de Mellora de Bibliotecas Escolares, organizados por Cristina e Pilar, as asesoras das BEs. Coma sempre nestes encontros o nivel dos relatores foi altísimo, a formación que se nos ofrece é do melloriño que levo visto nos meus anos na profesión, con auténticas xoias, como Glòria Durban, que ten moi clariño por que e para que fan falla as Bibliotecas Escolares ou a atrevida conferencia final de Emilio Pascual, poñendo puntos sobre as ies no que respecta á lectura, como na fábula de Samaniego que explica bastante ben a súa idea.
Foi unha delicia ver xunta a tanta xente interesada nas bibliotecas, con tanto traballo realizado e tan desinteresadamente compartido. Non sei se habería reloxos dabondo para contabilizar as horas adicadas, entre todos, a conseguir que as BEs funcionen no centros da nosa comunidade.
Noraboa a todos/as nós e as 'xefas' que fan un traballo impagable.