La hora del planeta

Mañá, de 8:30 a 9:30 é "A hora do Planeta" promivida por WWF. Se queres saber de que vai tes unha boa páxina aquí. Se cres que é importante, anímate e participa. Non seremos moi visibles nun lugar pequeno, pero sentirémonos mellor, seremos parte de algo.

Nota: o debuxo superior está en gris debido ao "cambio cromático"

Aquí tes o vídeo oficial de "A hora do Planeta"

Vinde ao teatro

O domingo pasado o "Teatro del Andamio" presentou en Vimianzo a obra de Manuel Rivas "A lingua das bolboretas", un monólogo estupendo do actor Álvaro Guevara. Foi curioso ver a adaptación teatral logo de ler o libro de narrativa e ver a película do mesmo título.

Pero o mais curioso de todo foi ver como o actor, logo de recibir os aplausos do público, díxonos que unha sala como a da Casa da Cultura de Vimianzo era todo un luxo para a zona (el sabe diso) que tiñamos que valorar, e que a forma de mantelo 'vivo' era asistindo ás representacións. Todos, pais e fillos!

Non podo estar mais de acordo con el, así que eu tamén digo: Vinde ao teatro!!

Aquí tedes un ha entrevista de La voz de Galicia e a Programación teatral completa.

PECHADO POR OBRAS
Durante un tempo a nosa benquerida biblio vai estar pechada por obras. Traballaremos duramente, como podedes ver no sinal da dereita, para que sexa o menor tempo posible. Hai que darlle un lavado de cara e, de paso, procurar que sexa mais silenciosa (aínda!)
O que non pecha é este blog, nin as súas seccións, como podedes comprobar, por exemplo, en Pedras do Vilán.
Vémonos (de momento) na rede!