Escritor grande - relato pequeno
GAÑADORES DO I CERTAME DE MICRO-RELATOS.

Xa hai gañadores do certame de micro-relatos. Tivemos unha participación respetable, para ser a primeira vez: case trinta escritores. O mérito á participación téñeno os de 1º, que son os que máis relatos presentaron. O premio limón é para os de cuarto ¡¡¡que non presentaron ningún!!! Pobres, seguro que tiñan moitos exames.

Para ler os relatos gañadores, e algún outro de propina, tes que ir a "Recanto Literario", no enlace que tes na columna da dereita desta páxina.

Xa sabes que sobre algúns autores 'misteriosos' admítense apostas por valor dun chupa.

Escritor grande - relato pequeno
CERTAME DE MICRO-RELATOS.
A biblioteca do IES Pedra da Aguia, convoca un certame de micro-relatos con estas bases:
· Máximo 100 palabras.
· Redactado en calquera das linguas do currículo: galego, castelán, inglés ou francés.
· Debedes comezar con estas palabras:
"Na mañá de Nadal esperteime cunha sensación estraña…"
· Valorarase especialmente a forma de contalo (vocabulario, adxectivación, …)
· Os traballos presentaranse na biblioteca o próximo luns (18 de decembro). Podedes presentalos en papel ou en soporte informático (correo a ies_pedradaaguia_biblioteca@yahoo.es , disquete, lápis de memoria…)

· Os mellores relatos publicaranse no blog da biblioteca.
· Haberá un premio por ciclo (un vídeoxogo).

"Vilán"

o boletín da biblioteca

Estos días andamos a repartir o novo número de Vilán, que xa fai o Nº 3, o primeiro deste curso, con noticias e curiosidades arredor do mundo da nosa/vosa biblioteca. Igual que o curso pasado, cando o estreamos, estades todos/as convidados/as a participar coas vosas suxestións, opinións... podedes deixalas na biblioteca ou mandalas por correo a ies_pedradaaguia_biblioteca@yahoo.es (con guións baixos).

(¿como?!!, que aínda non tes correo??!! pero se é moi fácil e ademais jhratix!! Usa os ordenadores da biblio e faite un, pero xa!!)

¡Que tolería de números!


Tedes na entrada da biblioteca unha pequena exposición de libros de matemáticas (CDU 51), na que se demostra que poden ser divertidas, sobre todo cando podes xogar con elas e non ter logo que facer un exame.Ven a conto da exhibición que nos fixo no Insti, para o segundo ciclo, o calculista Jaime García, que nos descubriu cales son os seus truquiños, para que o alumnado poida aplicalos e memorizar as matemáticas, a xeografía, o inglés e o que se poña por diante, tal e como podes ver aquí.

Estamos abertos!!

Dende hai xa unhas semanas temos a biblioteca aberta os xoves pola tarde, de catro a seis, para que poidades vir a traballar nela, a ler, a facer deberes, levar libros... Alí atoparedes a Berta, que atende o servizo de préstamos.

Cando pensamos en abrir pola tarde, polo menos unha vez por semana, coa axuda do Concello, foi pensando no alumnado do instituto e nos ex-alumnos, pero tamén nos pais e nais e do público en xeral. Sería unha mágoa que teñamos unha biblioteca, aínda que sexa pequena, e que a xente non puidera utilizala.

Os servizos que presta a biblioteca están á vosa disposición, usádeos!! E animade aos vosos familiares a facelo tamén.

Semana das Ciencias

Os de primeiro e segundo nivel foron hai pouco a Santiago a ver teatro en inglés (e aprenderon mogollón) e tamén fomos ver o Museo de Historia Natural da Universidade de Santiago. Aquí podes ver a visita.

Por iso na entrada da biblioteca podedes ver unha pequena mostra dos materiais que tedes na biblio con referencia a este tema. Como podedes ver o material é 'tocable' e de paso querémosvos lembrar que este tipo de materiais tamén os podedes levar en préstamo, aínda que algúns días menos que se foran libros de ficción. O que non podedes sacar da biblioteca son os dicionarios e enciclopedias, porque poden facer falta en calquera momento.

Aprendendo a usar a Biblioteca

Estes días os de primeiro, como cada curso, andan pola biblioteca adiante a facer uns traballiños para saber moverse por ela. Xa sabemos que non é unha biblioteca moi grande, pero están aprendendo como está organizada e como atopar aquilo que necesitan para os traballos que lles manden os pesados dos profes ou, simplemente, porque lles apetece ler algo do que aquí temos. Andan trasteando coa famosa CDU; e os demais? Lembrades o que indicaba cada número?

Podes velos neste album.

Un 'Blog' ou 'web log', como se lle chamaba nun principio, é unha especie de diario, ao xeito dos 'cadernos de bitácora' dos barcos, onde o Capitán anotaba as incidencias importantes que ían sucedendo mentres navegaba.
Aquí, nos blogs, o Capitán, (neste caso o editor do blog) vai deixando ver as súas inquedanzas, ou simplemente mostrando aquilo que lle interesa e tamén recollendo opinións que os demais, navegantes da rede, poden deixar cando len o que o blogger escribiu.

No noso caso temos este blog para informar de aqueles acontecementos que teñan relación coa biblioteca, as súas novidades, as actividades previstas, etc.

Hai un blog paralelo -tes o enlace na columna da dereita- chamado ¡Alerta Lectores! onde podes ir anotando as túas impresións sobre os libros que alí vaian aparecendo. Anímate, verás como entre todos/as podemos ir sacando isto adiante. Tamén podes mandar as túas suxerencias a este enderezo de correo

Neste curso curso que acaba de comenzar asistimos ao nacemento dunha nova "criatura", o blog da biblioteca.

Queremos que sexa un espazo de información sobre as novidades que cheguen á biblioteca, as actividades que se organicen, as que se fagan no centro -sexan organizadas pola biblio ou por calquera outro departamento do centro- e canto por aquí vaia pasando.

Tamén queremos que sexa un espazo onde poidades dar as vosas opinións sobre libros e actividades e as vosas suxestións para o mellor funcionamento da biblioteca.

No comenzo da andadura deste "blog" queremos ser agradecidos con todo o alumnado que, dende os inicios desta biblioteca, axudou a que todo funcionase, renunciando moitas veces ao seu tempo de recreo. A todas e todos, grazas!

Vémonos axiña!!