Día das Linguas

 O Día das Linguas é unha iniciativa do Consello de Europa para pór en valor a diversidade lingüística da Unión Europea e fomentar a aprendizaxe de distintos idiomas.

Conmemórase o día 26 de setembro e no IES Pedra da Aguia celebrámolo cun recital poético no cal alumnado de todos os cursos leron un fragmento do poema "O neno morto", de Lupe Gómez, nas distintas linguas que falan os nosos alumnos e alumnas.

Galego, castelán, catalán, portugués, árabe, francés, inglés, italiano e éuscaro foron os idiomas que se escoitaron na nosa Biblioteca nun acto artístico e reivindicativo do valor de todas as linguas coma patrimonio da Humanidade. 

Durante esta 1ª avaliación contamos con nove sesións da hora de Ler. Comezamos o luns 2 de outubro na 1ª sesión!

Este ano elaboraronse itinerarios de lectura para cada nivel que serán presentados nas aulas durante esta semana, antes do comezo da Hora de Ler. Aquí vos deixamos o link para acceder aos itinerarios lectores.

Benvidos/as ao curso 23/24!

Continuamos un ano máis coa proposta dos Clubs de Encontro. Se estades interesados/as, é o momento de que propoñades un club ou de que vos sumedes a unha ou varias das propostas doutros/as compañeiros/as. Na entrada da Biblio tedes estes carteis para anotarvos. Non perdas a oportunidade de compartir as túas afeccións!

 4º DESPÍDESE

    Outro curso que está a piques de rematar e, para algúns, remata tamén unha etapa. Rematan o curso,  rematan a ESO e toca "cambiar de aires".

    Fagan o que fagan a partir de agora espero que a tod@s lles vaia moi ben, que triunfen no que sexa que escollan e espero tamén que veñan por aquí a visitarnos de cando en vez.   SORTE!

 

Encontro online con Nando López

 O alumnado de 1º da ESO asistiu o luns 5 de xuño a un encontro grupal online co autor Nando López para falar do seu libro "Por qué tiene que ser todo tan difícil", publicado en 2017. Esta obra de teatro,  recollida na lista de lecturas obrigatorias do Departamento de Lingua Castelá, foi o punto de partida para tratar diferentes temas de interese para os adolescentes, como por exemplo a importancia das amizades, a necesidade de sentirse integrado nun grupo e a dificultade de encarar os conflitos internos nunha etapa de constantes cambios. 

O autor contestou as preguntas formuladas por estudantes de institutos de toda España e asegurou sentirse moi satisfeito pola boa acollida que os seus libros teñen entre o alumnado máis novo. Nando López coñece ben ao seu público posto que, como el mesmo explicou, durante anos foi profesor de ensinanza secundaria e moitos dos seus personaxes están inspirados de alumnos seus.