CIENCIA CURIOSA
CIENCIA SABROSA
Rematamos estes días a exposición (e algo máis) sobre Ciencia que fixemos aproveitando o lema deste ano nas Bibliotecas Escolares: Ler ciencia na biblioteca escolar. Da man de Xaquín, o profe de Naturais, puidemos ver uns cantos libros da biblio nos que ler ciencia e, sobre todo, uns cantos exemplares "curiosos" que permitiron un achegamento máis divertido á Ciencia, e tamén algún exemplar "dos tempos de Maricastaña", é dicir, dos tempos nosos como alumnos. Foi unha boa forma de ver como cambiaron, por sorte, os libros e as bibliotecas,
Por outra banda, como non só de ler se vive, tamén houbo un grupo que puxo en práctica aquelo de que a experiencia é a nai da ciencia e marcharon ao monte, guíados pola man expertísima de Manuel Pose, autor de auténticas "enciclopedias" sobre os cogomelos (e xa, que pena, ex-pai de alumna: un bico grande, Laura) para localizar e catalogar os cogomelos que podemos atopar na nosa zona. Gracias, Manolo, por tan boa disposición. Tomámosche a palabra para futuras colaboracións, que sabemos que os teus saberes non se limitan a un só campo.
1 comentario:
Non sei se é porque non hai voz ou porque a distancia cambia a perspectiva, pero dá gusto ver estas imaxes: alumnos con caras de interese, curiosidade e atención. Parabéns para os que demostran que estas actividades son positivas e que hai que seguir facéndoas.
Publicar un comentario