Seguimos coas celebracións do Mes da Ciencia en Galego nas Bibliotecas. Nesta ocasión, o alumnado realizou unha xincana de búsqueda de información en diferentes libros cedidos polo maleta viaxeira "Mariñeira" do CEIDA.
Esta exposición de libros estará dispoñible todo o mes de novemrbo na entrada da Biblioteca.
Amosamos os talleres realizados ao longo destas semanas do mes de novembro. Agradecemos o entusiamo do alumnado participante!
Agardamos que en próximas convocatorias se animen moitos máis.
A Biblioteca conmemora o mes da ciencia en galego cunha ampla oferta de talleres que se celebrarán nos recreos durante esta semana e a vindeira.
A semana do 14 e a do 21 de novembro, os departamentos de Matemáticas, Bioloxía e Física e Química organizarán obradoiros nos cales se poderán realizar calendarios de papiroflexia, xabóns exfoliantes ou descubriremos o azucre oculto que tomamos sen decatarnos.
Podes consultar aquí o calendario coas actividades previstas para cada día e cada grupo.
Anímate a participar e a gozar coa ciencia máis próxima e divertida!
.png)
O pasado venres 21 de outubro celebramos o Día das Bibliotecas facendo entrega dos diplomas do voluntariado da Biblio 21/22 e inaugurando os clubs de encontro para este curso 22/23.
Ademáis, colocamos na entrada un novo cartel para os que queiran ser voluntarios/as durante este curso, tanto para colaborar na Biblio coma na radio escolar.
O encontro coa escritora foi anecdótico, cheo de historias para recordar. Os rapaces e rapazas disfrutaron moito e sentíronse moi cómodos grazas ao comezo da conversa coa escritora. Ledicia amosouse a eles/as con tanta naturalidade que fixo que se sentiran confiados de participar e de facerlle todo tipo de preguntas.
Estas son unhas das imaxes do encontro.
Alumnado de 4ºESO
Neste mes de outubro o alumnado de 1ºESO acaba de recibir a formación básica sobre as actividades que poden realizar na Biblio, así como o método que se emprega para colocar e localizar os libros nas estanterías seguindo a CDU.
Esta é a primeira de tres sesións formativas que se realizarán ao longo deste curso escolar.
Durante este trimestre convócanse dous concursos.
O primeiro, proposto polo Departamento de Dinamización da Lingua Galega, tratará sobre o mundo do sobrenatural para conmemorar as datas do día dos defuntos na tradición galega.
Toda información atoparédela na Biblioteca e no taboleiro de "concursos", situado na entrada do instituto.
Durante esta 1ª avaliación contamos con dez sesións da hora de Ler. Comezamos os xoves 29 debido a que, neste trimestre, os festivos cadran en luns, martes e mércores, principalmente.
Durante este curso introducimos menús literarios para presentar as propostas dos libros que se van ler nos diferentes grupos dos Clubs de Lectura.
Desexamos que estas propostas sexan do gusto do alumnado e que se animen a participar.
Empezamos este ano escolar coa proposta dos Clubs de Encontro que deu comezo o vindeiro curso.
Se estades interesados/as, é o momento de que propoñades un club ou de que vos sumedes a unha ou varias das propostas doutros/as compañeiros/as.
Na entrada da Biblio tedes estes carteis para anotarvos.
Non perdas a oportunidade de compartir as túas afeccións!
Hoxe o alumnado de 1ºESO recibiu no instituto a Antía Yáñez, autora do libro O misterio de Portomarín, o cal leron na materia de Lingua Galega. A autora explicoulles os motivos de escribir un misterio ambientado nesa vila e fíxolles un recorrido fotográfico do lugar. O alumnado resolveu a súas dúbidas e fóronse animando a preguntar a medida que o encontro avanzaba.
Tamén o alumnado dos Clubs de Lectura desfrutaron da presenza da escritora, e o encontro foi moito máis íntimo, rodeado de preguntas máis persoais e no que espertaron novas paixóns.
O prómixo mércores 18 de maio, aproveitando a conmmemoración do Día das Letras Galegas, temos o pracer de recibir no noso instituto a Antía Yáñez Rodríguez gañadora do premio dos Clubs de Lectura de 2022.
O encontro estará dirixido ao alumnado de 1ºESO que, durante este trimestre, leron a súa obra titulada "O misterio de Portomarín". Tamén disfrutará do encontro o alumnado participante dos Clubs de Lectura de 2ºESO e 4ºESO.
Xa na recta final do curso escolar, o alumnado de 1ºESO asistiu á última formación impartida pola Biblioteca.
Nesta ocasión o tema tratado foi a búsqueda de información fiable na web. O alumnado realizou unha actividade práctica para comprobar a fiablidade de certas webs a partir duns criterios de avaliación sinxelos. Aquí deixamos o link á presenación da actividade.
Estas son algunhas das imaxes do encontro.
Como cada ano, o 23 de abril, celébrase o Día do Libro. Nesta ocasión, parte do alumnado voluntario e outros, que máis frecuentan a Biblioteca, prestáronse a amosar un do seus libros favoritos.
Noraboa ás gañadoras do Concurso literario e artístico!
Grazas pola vosa participación😀
Hoxe celébrase o Día da Terra e desde o nos IES aproveitamos a ocasión para amosarvos o traballo realizado polo alumnado de 2ºESO que neste día, acabaron de plantar vexetais, plantas aromáticas e ornamentais no invernadoiro.
Deixámosvos este vídeo con algunhas das fotografías de todo o proceso.
Esta actividade encádrase dentro do proxecto VIDA (sobre consumo e produción responsable, benestar emocioanl e hábitos de vida saudables), coordinado pola Biblioteca escolar e en colaboración con varios departamentos.
Conmemorando o Día do Libro, a Biblioteca escolar convoca un concurso literario, fotográfico e de ilustración
a partir dunha frase escollida do libro:
O Mercader de Venecia de William Shakespeare, morto un 23 de abril de 1616.
“O AMOR, COMO CEGO QUE É, IMPIDE AOS AMANTES
VER AS DIVERTIDAS PARVADAS QUE COMETEN”
“EL AMOR, COMO CIEGO QUE ES, IMPIDE A LOS AMANTES
VER LAS DIVERTIDAS TONTERÍAS QUE COMETEN”
William Shakespeare, “ O Mercader de Venecia”
.png)
Nas aulas quedarán colgadas as bases da convocatoria para que lles botedes unha ollada.
Pasa pola Biblio se queres máis información!
Xa tedes á vosa disposición os libros de lectura obrigatoria da 3ª avaliación.
Pasade pola Biblio a recollelos!
Presentamos o novo calendario da Hora de Ler correspondente á 3ª Avaliación.
Xa está dispoñible no taboleiro das aula, na sala do profesorado e na entrada da Biblioteca.
Esta semana comezan as primeiras reunións dos Clubs de encontro para tomar contacto, fixar obxectivos e planificar as seguintes reunións.
